लूका 21:16 - Garhwali

¹⁶ अर तुमरा ब्वे-बाब अर भै-बन्द, अर तुमरा रिश्तेदार अर दगड़्या ही तुमतै पकड़वाला, इख तक की वु तुम मा बटि कुछ लोगु तैं जान से मरवै द्‍याला।

गढवली नयो नियम

¹⁶ तुमारा ब्वे-बुबा अर भैय कुटुम्दारी वला अर दगड़िया भि तुम तैं पकड़वाला इख तक कि तुम मा बट्टी कथगों तैं मरवै भि दयाला।

लूका 21:16 ပူးပေါင်းရင်းမြစ်များ

मत्ती 10:21

“अर भै अपणा ही भै तैं जान से मरवौणु खुणि सौंपी द्‍यालु, अर ठिक उन्‍नि बुबा अपणा नौना तैं मरवौणु खुणि सौंपी द्‍यालु, इख तक की बाल-बच्‍चा अपणा ही ब्वे-बबों का खिलाप मा होला अर ऊंतैं मरवौणु खुणि सौंपी द्‍याला।

मरकुस 13:12

अर भै अपणा ही भै तैं मरणु खुणि पकड़वै द्‍याला, अर ठिक उन्‍नि बुबा भि अपणा नौना तैं मरणु खुणि पकड़वै द्‍याला, अर बच्‍चा अपणा ब्वे-बाब का खिलाप मा ह्‍वेके ऊंतैं मरवै द्‍याला।

लूका 12:53

बुबा नौना का खिलाप अर नौनु बुबा का खिलाप मा होलु, माँ बेटी का खिलाप अर बेटी माँ का खिलाप मा होलि। अर उन्‍नि सासु ब्वारि का खिलाप अर ब्वारि सासु का खिलाप मा होलि।”

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

लूका 21:17

अर सब लोग तुम बटि नफरत करला, किलैकि तुम मेरा छाँ।

खास चेलों 12:2

अर वेन यूहन्‍ना का भै याकूब तैं तलवार से मरवै दिनी।

खास चेलों 7:59

जब ऊ लोग स्तिफनुस तैं ढुंग्योणा छा, त वेन प्रभु से प्रार्थना कैरी, “मेरा प्रभु यीशु, मेरी आत्मा तैं स्वीकार कैरा।”

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

दिब्य दरस 2:13

“मि जणदु छौं, कि तुम वे नगर मा रौन्द्‍यां जख शैतान की राजगद्‍दी च, मगर फिर भि तुमरो भरोसा मि पर बणयूं रै। अर जब लोगु न मेरा भरोसामन्द गवा अन्तिपास तैं तुमरा नगर मा जान से मर दिनी, तब भि तुमरो बिस्वास मि पर बणयूं रै।

दिब्य दरस 6:9

अर जब मेम्‍ना न पांचु मोर खोली, त मिन वेदी का मूड़ी कत्ल होयां लोगु की आत्माओं तैं देखि, जु कि परमेस्वर का वचन पर चलण की वजै से अर गवै देण कि वजै से मरे गै छा।