लूका 21:12 - Garhwali

¹² अर यू सब होण से पैलि लोग तुमतै सताला अर पकड़वै द्‍याला, अर तुमतै प्रार्थना भवन का लोगु का सुपुर्द कैरी द्‍याला। इख तक की वु तुमतै राजाओं अर सासन करण वळो का समणि लि जाला, अर जेलखाना मा भि डलवै द्‍याला। अर यू सब वु मेरा नौ की वजै से तुमरा दगड़ा मा करला।

गढवली नयो नियम

¹² पर यूं बातों से पैली उ तुम तैं मेरा नौं कि खातिर पकड़ला, अर सताला, अर अधिकारियों मा सौंपे जाला, अर जेल मा डलवाला अर यहूदियों का मिलणा का भवन मा राज्यपालों का अर राजाओं का संमणी तुम्हरी अजमैश करे जाली।

लूका 21:12 ပူးပေါင်းရင်းမြစ်များ

मत्ती 22:6

अर कुछ लोगु न राजा का नौकरों तैं पकड़ी अर ऊंका दगड़ा गळत बरतौ कैरी, अर ऊंतैं मारी भि दिनी।

मत्ती 24:8

अर जन पीड़ा एक जनानि तैं बच्‍चा पैदा करण का बगत मा होन्दी, ठिक उन्‍नि यों सब बातों की शुरुवात होलि।

लूका 21:11

तब बड़ा-बड़ा भ्वींचळा होला, अर जग-जगा बन्‍नि-बन्‍नि किसमे की बिमारि आली अर अकाळ भि पोड़ला। अर इख तक की आसमान मा भि बड़ा-बड़ा अर खतरनाक चिन्‍न दिख्याला।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 15:21

अर यू सब वु मेरा बानो तुमरा दगड़ा मा करला, किलैकि जै परमेस्वर न मितैं भेजि च, वेतैं वु लोग नि जणदिन।

खास चेलों 22:30

अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

खास चेलों 9:4

अर उ भ्वीं फरके गै अर वेतैं एक आवाज सुणै, “हे शाऊल, तू मितैं किलै सतौणी छैई?”

1 पतरस 2:13

हे मेरा दगड़्यों, तुम लोग प्रभु का वास्ता ऊं अधिकारीयों का अधीन मा रा जौं तैं मनखियों न ठैरै, जन कि राजा का किलैकि वेको अधिकार सभ्यों पर च।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।