लूका 20:6 - Garhwali

⁶ अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”

गढवली नयो नियम

⁶ जु हम बोलुला कि मनिख्युं कि तरपां बट्टी छो सभि लुखुं ल हम पर ढुंग्यो लगाण किलैकि उ सच्ची कै जंणदा छिन कि यूहन्ना सचमुच मा परमेश्वर का तरपां बट्टी बुल्ण वलो छो।

लूका 20:6 ပူးပေါင်းရင်းမြစ်များ

मत्ती 11:9

फिर तुम क्या दिखणु कू गै छा? क्या परमेस्वर का एक रैबर्या तैं दिखण कू? हाँ मि तुमतै बतै देन्दु, कि रैबर्या से भि कै बड़ा तैं दिखणु कू ग्यां।

मत्ती 14:5

अर हेरोदेस यूहन्‍ना तैं जान से मरण चान्दु छौ, पर वु लोगु से डऽरदु छौ, किलैकि लोग यूहन्‍ना तैं परमेस्वर को रैबर्या मणदा छा।

मत्ती 21:26

अर अगर जु हम इन बुल्द्‍यां, ‘मनखियों की तरफा बटि,’ त हम कू भीड़ की डौऽर च, किलैकि यू सब यूहन्‍ना तैं परमेस्वर को एक रैबर्या मणदिन।”

मत्ती 21:46

अर वु वेतैं पकड़ण चाणा छा, मगर ऊंतैं भीड़ का लोगु से डौऽर लगि, किलैकि लोग वेतैं परमेस्वर को एक रैबर्या मणदा छा।

मत्ती 26:5

पर ऊंन इन भि बोलि, “त्योवार का बगत मा हम लोगु तैं इन नि करण चयेणु, कखि इन नि हो कि लोगु मा हल्‍ला मची जौ।”

मरकुस 12:12

अर ईं बात तैं सुणी के यहूदियों का मुख्य लोग समझि गैनी, कि यीशु न यू उदारण हमतै सुनौण खुणि बोलि, इलै ऊ यीशु तैं पकड़ण की कोसिस करण लगि गैनी। मगर ऊंतैं लोगु की डौऽर लगि, अर ऊ यीशु तैं छोड़ि के चलि गैनी।

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

लूका 20:5

तब ऊ आपस मा बुलण लगि गैनी, “अगर जु हम बुल्द्‍यां कि, ‘वेतैं यू अधिकार परमेस्वर बटि मिल्यूं छौ,’ त फिर येन बोन्‍न कि ‘तुमुन वे पर बिस्वास किलै नि कैरी?’

लूका 20:7

इलै ऊंन जबाब देई, “हम नि जणद्‍यां की यू अधिकार वेतैं कख बटि मिली।”

लूका 7:30

पर फरीसी दल का लोगु न अर नियम-कानूनों तैं सिखौण वळो न वे बटि बपतिस्मा नि लेई। अर इन कैरिके ऊं खुणि परमेस्वर को जु मकसद छौ, वेतैं ऊंन नकारी दिनी।

यूहन्ना 10:41

तब भौत सरा लोग वेका पास ऐनी, अर बोन्‍न लगि गैनी, “यूहन्‍ना न त कुई भि चमत्कार नि कैरी, फिर भि वेन जु कुछ भि ये मनखि का बारा मा बोलि छौ, उ सब सच्‍च छौ।”

खास चेलों 5:26

तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्‍या।