लूका 2:7 - Garhwali

⁷ तब वींन अपणा पैला नौना तैं जनम देई, अर वेतैं कपड़ा मा लपेटि के छन्‍नि की चौंर मा रखी। किलैकि ऊं खुणि धर्मशाळा मा जगा नि छै।

गढवली नयो नियम

⁷ अर वीं ल अपड़ा पैला नौंना तैं जन्म दींनि अर वे तैं कपड़ा मा लपेटी के चौंरि मा रखि किलैकि वेकु धर्मशाला मा जगह नि छै।

लूका 2:7 ပူးပေါင်းရင်းမြစ်များ

मत्ती 1:25

अर जबरि तक वींन नौना तैं जनम नि देई, तबरि तक यूसुफ मरियम का दगड़ा मा नि सै। अर जब नौनो को जनम ह्‍वे, त यूसुफ न वेकू नौ यीशु रखी। अर इनकै यीशु को जनम ह्‍वे।

मत्ती 13:55

अरे, यू त बड़ई को नौनु च, येकी माँ को नौ मरियम च, अर येका भै त याकूब, शमौन, यूसुफ अर यहूदा छिन।

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

लूका 10:34

अर उ वेका पास ऐ, वेका घौ पर तेल अर दारु-दवै कैरिके वे पर पट्‍टी बान्धि, अर वे घायल मनखि तैं अपणा जानबर मा रखी के धर्मशाळा मा लि गै, अर वेकी देख-रेख कैरी।

लूका 2:6

अर जब ऊ बैतलहम गौं मा ही छा, तब वींका परसव का दिन पूरा ह्‍वे गैनी।

लूका 2:8

अर वे मुलक मा कुछ चरवाह छा, जु की राति का बगत पुंगड़ों मा रै के अपणी भेड़ों की देखभाल करणा छा।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।