लूका 2:14 - Garhwali

¹⁴ “स्वर्ग मा परमेस्वर की बडै हो, अर धरती पर जौं बटि परमेस्वर खुश च, ऊं लोगु तैं शान्ति मिलु।”

गढवली नयो नियम

¹⁴ सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

लूका 2:14 ပူးပေါင်းရင်းမြစ်များ

मत्ती 21:9

अर भीड़ का जु लोग वेका अगनै-पिछनै औणा छा, ऊ सब चिल्‍लै-चिल्‍लै के बोन्‍ना छा कि, “दाऊद का वंशजे की होसन्‍ना, धन्य च उ जु प्रभु का नौ से औन्दु, स्वर्ग मा होसन्‍ना।”

लूका 1:79

ताकि जु कुई अन्धेरा अर मौत का छैल मा जीणा छिन, ऊंतैं उ उज्याळु द्‍यो, अर हमतै शान्ति का बाटा पर चललु।”

लूका 19:38

“धन्य च उ राजा जु प्रभु का नौ से औन्दु, अर स्वर्ग मा शान्ति, अर सबसे महान परमेस्वर की बडै हो।”

लूका 2:13

तबरि अचानक वे स्वर्गदूत का दगड़ा मा स्वर्गदूतों को एक दल ऐ, अर परमेस्वर की बडै करण लगि गै, अर ऊंन बोलि कि,

लूका 2:15

अर जब स्वर्गदूत चरवाहों का समणि बटि स्वर्ग चलि गैनी, तब वु चरवाह आपस मा बुलण लगि गैनी, “चला, जनम की या बात ज्वा कि हमरा बीच ह्‍वे च, ईं तैं दिखणु हम बैतलहम गौं कू चलद्‍यां, अर ज्वा बात प्रभु न हमतै बतै वींतैं उख जैके दिखुला।”

लूका 3:22

अर पवित्र आत्मा तैं कबूतर का रुप मा यीशु पर उतरद देखि। अर आसमान बटि या आवाज ऐ कि, “तू मेरु लाडलु पुत्र छैई, अर मि त्वे बटि भौत खुश छौं।”

यूहन्ना 14:27

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।

यूहन्ना 17:4

अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

इफिसुस 1:6

इलै ही हम वेकी महान किरपा की तारीफ करद्‍यां, अर या किरपा वेन अपणा लाडला पुत्र यीशु मसीह का द्‍वारा हम पर बड़ु मेरबान ह्‍वेके कैरी।

इफिसुस 1:9

अर पिता परमेस्वर न हमतै अपणी छिपी मनसा का बारा मा बतै, अर ईं बात से खुश ह्‍वे कि उ यीशु मसीह का द्‍वारा अपणी इच्छा तैं पूरि करलु।

इफिसुस 2:4

मगर दया करण मा पिता परमेस्वर को दिल सबसे बड़ु च, किलैकि जब हम अपणा-अपणा अपराध अर पापों की वजै से मुरयां लोगु का जन छा, तब वेन यीशु मसीह का द्‍वारा अपणु प्यार हम पर परगट कैरी, अर हमतै वेका दगड़ा मुरदो मा बटि ज्यून्द कैरिके हमतै नयू जनम देई अर वेकी बड़ी किरपा से हम बचि ग्यां।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

फिलिप्पी 2:13

किलैकि परमेस्वर ही च जु कि अपणी मनसा का मुताबिक तुमरा जीवनों मा काम कनु च, अर उ ही च जु की इन इच्छा पैदा करदु कि तुम वेका मुताबिक चलि सैका।

कुलुसी 1:20

अर वेको जु ल्वे क्रूस पर बुगये गै, वेका द्‍वारा ही परमेस्वर न स्वर्ग अर धरती की सब चीजों को मेल-जोल अपणा दगड़ा मा फिर से कैरी। अर इन कैरिके उ ईं धरती पर शान्ति तैं लेके ऐ।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

दिब्य दरस 5:13

फिर मिन स्वर्ग मा, धरती पर, अर धरती का मूड़ी अर समुन्दर की हरेक जीव-जन्तु तैं अर जु कुछ भि वेमा च, ऊं सभ्यों तैं इन गाण सुणी कि, “तुम जु राजगद्‍दी पर बैठयां छाँ, तुमरि अर मेम्‍ना की तारीफ हो, अर आदर-सम्मान, बडै अर ताकत सदनि तक ऊंकी ही रौ।”