लूका 18:7 - Garhwali

⁷ अर जब एक अधरमी न्याय करणु वळु इन कैरी सकदु, त क्या परमेस्वर अपणा चुण्यां लोगु को न्याय नि करलु? जु दिन-रात वेसे प्रार्थना करणा रौनदिन, क्या उ अपणा लोगु का खातिर देर करलु?

गढवली नयो नियम

⁷ परमेश्वर अपड़ा चुणयां लुखुं कु जु दिन रात वेका संमणी रूंदा छिन न्याय करलो वे वेकी मदद कन मा देर नि करलो?

लूका 18:7 ပူးပေါင်းရင်းမြစ်များ

मत्ती 24:22

अर अगर पिता परमेस्वर ऊं दिनों की गिनती कम नि करदु, त कुई भि मनखि नि बचदु, मगर चुण्यां लोगु का खातिर ही ऊं दिनों की गिनती कम किये गै।

मत्ती 24:24

“किलैकि झूठ्‍ठा मसीह अर झूठ्‍ठा रैबर्या ऐ जाला, अर बड़ा-बड़ा चिन्‍न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्‍याला।

मत्ती 7:11

अरे जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त स्वर्ग मा रौण वळु तुमरो पिता तुमरा मंगण पर तुमतै अच्छी चीज किलै नि द्‍यालु?

लूका 11:13

इलै जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त जु लोग स्वर्ग मा रौण वळा पिता बटि मंगदा छिन ऊंतैं वु पवित्र आत्मा किलै नि द्‍यालु।”

लूका 2:37

अर वा चौरासि साल की विधवा छै। अर मन्दिर मा ही रौन्दी छै, अर उपवास अर प्रार्थना कैरी-कैरिके दिन-रात परमेस्वर की सेवा मा लगि रौन्दी छै।

लूका 21:28

अर जब इन होण लगि जालु, त तुम गर्व से खड़ा ह्‍वे जयां, किलैकि तुमरो छुटकारु को बगत नजदीक ऐ गै।”

रोमियों 8:33

अर जब पिता परमेस्वर ही अपणा लोगु तैं निरदोष साबित करदु, त फिर कु च वु, जु कि वेका चुण्यां लोगु पर नियम-कानून तोड़ण को इळजाम लगालु?

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

1 थिस्सलुनीकी 3:10

अर हम दिन-रात परमेस्वर बटि तुम खुणि भौत प्रार्थना करद्‍यां, कि तुम बटि मिली सैका, अर अगर तुमरा बिस्वास मा कै भि बात की कमी रै गै होलि त हम वींतैं पूरि कैरी द्‍यूला।

2 थिस्सलुनीकी 1:6

अर जु लोग तुम पर जुलम करदिन न्याय का दिन पर बदला मा उ ऊंतैं जुलम मिललु, किलैकि परमेस्वर न्याय कारण मा सच्‍चु च।

1 तीमुथियुस 5:5

अगर कुई विधवा जनानि इखुली च, अर वीं की देख-रेख करण वळु कुई नि हो, अर वा परमेस्वर पर बिस्वास कैरिके दिन-रात प्रार्थना बिन्ती करणी रौन्दी हो, त इन्दरि जनानि ही सच्‍च मा विधवा च, अर वींतैं ही मदद मिलण चयेणी।

2 तीमुथियुस 1:3

अर जै परमेस्वर की सेवा मेरा पितरों न कैरी मि भि ठिक उन्‍नि सच्‍चा मन से करदु। अर मि तुमतै अपणी प्रार्थना मा लगातार याद कैरिके परमेस्वर को धन्यवाद करदु।

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

तीतुस 1:1

हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।

दिब्य दरस 18:20

अर येका बाद मिन इन सुणी कि, हे स्वर्ग खुशी मणौ। हे परमेस्वर का रैबर्यों, बिस्वासी भै-बैंणो अर वेका खास चेलों खुशी मणा, किलैकि जै नगर का लोगु न तुमतै सतै छौ परमेस्वर न ऊंतैं दण्ड देके तुमरो बदला ऊं से लियाली।

दिब्य दरस 6:10

अर यों आत्माओं न ऊँची आवाज मा इन बोलि, “हे सबसे महान पिता परमेस्वर, तुम जु कि पवित्र अर सच्‍चा छाँ, आखिर तुम कब न्याय करिल्या, अर धरती पर रौण वळो बटि कब तक हमरि हत्या को बदला नि लि ल्या?”

दिब्य दरस 7:15

इलै यू लोग परमेस्वर का मन्दिर मा रै के वेकी सेवा करदिन। अर वेकी राजगद्‍दी का समणि खड़ा छिन। अर परमेस्वर जु कि राजगद्‍दी पर बैठयूं च उ ऊंका दगड़ा मा च अर ऊंकी देख-रेख करदु।