लूका 18:16 - Garhwali

¹⁶ पर वेन ऊं बच्‍चों तैं अफ जनै बुलै के बोलि, “बच्‍चों तैं मि मू औण द्‍या ऊंतैं रोका ना, किलैकि परमेस्वर को राज ऊंको ही च, जु यों बच्‍चों का जन छिन।”

गढवली नयो नियम

¹⁶ यीशु ल यु देखि कै गुस्सा मा ऊंकु बोलि, “बच्चों तैं मि मा आंण द्या ऊंकु मना नि कैरा किलैकि उ ही लोग जु बच्चों जन विश्वासयोग्य अर विनम्र छिनी परमेश्वर का राज्य ऊंको ही च, जु यूं बच्चों का जन च।”

लूका 18:16 ပူးပေါင်းရင်းမြစ်များ

मत्ती 19:14

पर यीशु न बोलि, “बच्‍चों तैं मि मू औण द्‍या, ऊंतैं रोका ना, किलैकि परमेस्वर को राज ऊं लोगु को ही च जौं को जीवन यों बच्‍चों की तरौं च।”

लूका 18:15

अर फिर लोग अपणा बाल-बच्‍चों तैं यीशु का पास लैनि, कि उ ऊं पर अपणु हाथ रखी के आसीस द्‍यो। मगर यू देखि के चेला ऊंतैं झिड़कण लगि गैनी।

लूका 18:17

अर मि तुम बटि सच्‍चि बोन्‍नु छौं, जु कुई भि परमेस्वर का राज तैं एक छुटा बच्‍चा का जन स्वीकार नि करलु, वेन वे राज्य मा कभि भि नि जै सकण।

खास चेलों 2:39

किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 7:14

अर इन इलै करण चयेणु, किलैकि हे मेरा बैंण तू जु यीशु मसीह पर बिस्वास करदी, तेरी वजै से तेरु पति पवित्र होलु। अर ठिक उन्‍नि हे मेरा भै तू जु प्रभु पर बिस्वास करदी, तेरी वजै से तेरी घरवळी पवित्र होलि। अर अगर ज्वा या बात सच्‍च नि होन्दी, त तुमरा बच्‍चा अशुद्ध होन्दा, मगर तुमरा बच्‍चा त पवित्र छिन।

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।