लूका 18:14 - Garhwali

¹⁴ यीशु न ऊंकू बोलि, “मि तुमतै बतै देन्दु, कि यू फरीसी मनखि ना पर चुंगी लेण वळु मनखि धरमी ठैरैये गै अर घौर चलि गै। किलैकि जु कुई अफ तैं बड़ु बणालु उ छुटो किये जालु, अर जु अफु तैं दीन कैरिके छुटो बणालु वु बड़ु किये जालु।”

गढवली नयो नियम

¹⁴ विश्वास कैरा, सच मा यु चुंगी लींण वला (परमेश्वर बट्टी) धर्मी घोषित किये जांण पर घौर लौटि, न की उ फरीसी, किलैकि हरेक, जु खुद तैं बड़ो बणांदों च, छुटो बणै दिये जालो पर “जु आदिम खुद बट्टी नम्र हवे जांदु उ ऊंचो उठै जांद।”

लूका 18:14 ပူးပေါင်းရင်းမြစ်များ

मत्ती 23:12

किलैकि जु कुई अफ तैं बड़ु बणालु उ छुटो किये जालु, अर जु अफु तैं दीन कैरिके छुटो बणालु वु बड़ु किये जालु।

मत्ती 5:3

“धन्य छिन ऊ, जु मन का दीन छिन, किलैकि परमेस्वर को राज ऊंको ही च।

लूका 1:52

अर वेन अधिकार रखण वळो तैं ऊंकी राजगद्‍दियों बटि हटैयली, अर दीन लोगु तैं ऊँचो कैरी।

लूका 10:29

पर शास्‍त्री न अफु तैं धरमी बतौण कि मनसा से यीशु बटि पूछी, “त गुरुजी, इन बता कि मेरु पड़ोसी कु च?”

लूका 14:11

किलैकि जु कुई अफु तैं बड़ु बणालु उ छुटो किये जालु, अर जु कुई अफु तैं छुटो बणालु उ बड़ु किये जालु।”

लूका 16:15

अर वेन ऊंकू बोलि कि, “तुम त लोगु का समणि अफ तैं धरमी ठैरौन्द्‍यां, पर परमेस्वर तुमरा मनों तैं जणदु च, किलैकि ज्वा चीज मनखियों की नजर मा सबसे महान होन्दी, वीं ही चीज से परमेस्वर नफरत करदु।

रोमियों 3:20

किलैकि मूसा का नियम-कानूनों का आधार पर कुई भि मनखि परमेस्वर का समणि धरमी नि ठैरैये जालु, इलै परमेस्वर का नियम-कानूनों की वजै से हमतै इन ज्ञान मिलदु कि हम सब लोग पापि छां।

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

रोमियों 8:33

अर जब पिता परमेस्वर ही अपणा लोगु तैं निरदोष साबित करदु, त फिर कु च वु, जु कि वेका चुण्यां लोगु पर नियम-कानून तोड़ण को इळजाम लगालु?

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

याकूब 4:10

अर तुम प्रभु का समणि दीन बणि जा, तब उ तुमतै महान बणालु।

याकूब 4:6

पर परमेस्वर हम लोगु पर और भि जादा किरपा करदु, इलै पवित्रशास्‍त्र मा इन भि लिख्यूं च कि, “परमेस्वर बड़ु मोन करण वळा लोगु को विरोध करद, पर दीन लोगु पर किरपा करदु।”