लूका 17:29 - Garhwali

²⁹ पर जै दिन लूत सदोम नगर तैं छोड़ि के निकळि गै, वे दिन आसमान बटि आग अर गंधक कि बरखा ह्‍वे अर सब कुछ नास ह्‍वे गै।

गढवली नयो नियम

²⁹ पर जै दिन लूत सदोम बट्टी निकली वे दिन स्वर्ग बट्टी आग अर गंधक बरसि अर सब लोग जु शहर मा छा नाश कैरी दींनि।

लूका 17:29 ပူးပေါင်းရင်းမြစ်များ

लूका 17:28

अर जन लूत का दिनों मा ह्‍वे, जब लोग खाणा-पीणा छा, अर लेण-देण कना छा, अर खेति कना अर घौर बणौणा छा।

लूका 17:30

अर ठिक इन्‍नि वे दिन भि होलु, जब मनखि को पुत्र आलु।

2 पतरस 2:6

अर परमेस्वर न सदोम अर अमोरा नगरों का लोगु तैं नास होण खुणि इन दण्ड दिनी, कि ऊंतैं फूकी के छारो बणै दिनी ताकि पिता परमेस्वर कि भक्‍ति नि करण वळा लोगु खुणि या शिक्षा एक उदारण बणि जौ।

यहूदा 1:7

हे मेरा भै-बैंणो, मि तुमतै यू भि याद दिलौण चान्दु कि जन सदोम, अमोरा अर वेका आस-पास का नगरों का लोग गळत सम्बन्ध रखण वळा ह्‍वे गै छा, इख तक की उखा लोग अपणा सरील की इच्छा तैं पूरु करण खुणि एक बैख दुसरा बैख का दगड़ा मा सरील का गळत सम्बन्ध रखण लगि गै छा। तब वे बगत मा पिता परमेस्वर न ऊं नगरों को कभि नि बुझण वळी आग का द्‍वारा नास कैर दिनी, अर आज वु सब हम सभ्यों खुणि सदनि खुणि एक उदारण बणि गैनी।

दिब्य दरस 11:8

अर ऊंन दुईयों की लांश यरूशलेम नगर का बीचों-बीच पोड़ि राली, जख ऊंका प्रभु तैं भि क्रूस पर चड़ये गै छौ। अर उखा लोगु को चाल-चलन सदोम नगर की तरौं बुरु, अर वु लोग मिस्र मुलक का लोगु की तरौं बेरहम छिन।

दिब्य दरस 14:10

त परमेस्वर का परकोप वे पर आलु। अर उ इन्द्रया लोगु तैं अपणा पवित्र स्वर्गदूतों अर मेम्‍ना की नजर का समणि ही आग अर गंधक की पीड़ा मा डालि द्‍यालु, जु ऊं खुणि परमेस्वर का गुस्से की दारु च ज्वा की ऊं पर अखणै जालि।

दिब्य दरस 19:20

तब दैंत पकड़ै गै, अर वेका दगड़ा-दगड़ि झूठ्‍ठु रैबर्या भि पकड़ै गै जु की दैंत का द्‍वारा चमत्कार दिखै के लोगु तैं भरमै देन्दु छौ। अर यू वु लोग छा जु कि मूरत की पूजा करदा छा अर ऊं पर दैंत की मोर लगीं छै, तब यों दुईयों तैं ज्यून्द ही वीं आग की झील मा डळै गै, ज्वा कि गंधक से जगणी रौन्दी।