लूका 17:16 - Garhwali

¹⁶ अर यीशु का खुटों मा हाथ जोड़ी के पोड़ि गै, अर वेको धन्यवाद करण लगि गै। अर उ एक सामरी जाति को आदिम छौ।

गढवली नयो नियम

¹⁶ अर यीशु का खुट्टों मा पोड़ि के धन्यवाद कन लगि गै अर यु आदिम सामरी जाति कु छो।

लूका 17:16 ပူးပေါင်းရင်းမြစ်များ

मत्ती 10:5

अर यीशु न यों बारह चेलों तैं इन आज्ञा देके भेजि कि, “ऊं लोगु का बीच मा नि जयां जु यहूदी जाति का नि छिन, अर ना ही सामरी लोगु का नगर मा जयां।

मत्ती 2:11

अर जब ऊ वे घौर मा गैनी, त ऊंन बच्‍चा तैं वेकी माँ मरियम का दगड़ा मा देखि। अर अपणा-अपणा थैलों तैं खोली के सोना, लोबान, अर गंधरस उपहार का रुप मा देके बच्‍चा को आदर-सम्मान कैरी।

मरकुस 5:33

अर वा जनानि जाणि गै कि मेरा दगड़ा मा क्या अदभुत काम ह्‍वे, तब वा डौऽरा बानो कौंपदी-कौंपदी यीशु का पास ऐ अर वेका खुटों मा पोड़ि के वेतैं सब कुछ सच्‍च बतै दिनी।

लूका 17:17

तब यीशु न वेकू बोलि, “क्या दस का दस शुद्ध नि ह्‍वेनि? त फिर ऊ नौ कख छिन?

लूका 5:8

अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।”

यूहन्ना 4:9

तब वीं सामरी जाति की जनानि न यीशु कू बोलि, “तुम त यहूदी छाँ अर मि सामरी जनानि छौं, त तुम मि बटि पाणि कनकै मांगि सकद्‍यां?” (किलैकि यहूदी लोग, सामरियों का दगड़ा मा कै भि तरीके को ब्यौहार नि रखदिन)।

यूहन्ना 5:23

किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

यूहन्ना 8:48

तब यों बातों तैं सुणी के यहूदियों न यीशु कू बोलि, “क्या हम ठिक नि बुल्द्‍यां कि तू सामरी छैई, अर त्वे पर खबेस लग्यूं च?”

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

1 कुरिन्थि 14:25

तब वेतैं इन मैसूस होलु कि पिता परमेस्वर वेका सब कामों का बारा मा जणदु च, जु वेन कैरी छिन। तब उ भ्वीं मा पोड़ि के पिता परमेस्वर की भक्‍ति करलु अर बुललु “सच्‍चि मा ज्यून्द पिता परमेस्वर तुमरा बीच मा च।”

दिब्य दरस 19:10

तब मि स्वर्गदूत की भक्‍ति करणु खुणि वेका खुटों मा पोड़ि ग्यों। मगर वेन मिकू बोलि, “यूहन्‍ना इन नि कैर, बल्किन मा केवल परमेस्वर की ही भक्‍ति कैर, किलैकि मि भि तेरा अर तेरी ही तरौं बिस्वासी भै-बैंणो का जन एक सेवक छौं, जौन यीशु का बारा मा गवै देण को काम कैरी। मि त केवल परमेस्वर को रैबार देण वळु छौं, अर तुम लोग यीशु की गवै पर बिस्वास करद्‍यां अर हम सब वेका सेवक छां।”

दिब्य दरस 4:10

तब ऊ चौबीस अध्यक्ष राजगद्‍दी पर बैठण वळा का समणि भ्वीं मा पोड़ि के वेकी भक्‍ति करदिन, जु कि हमेसा-हमेसा तक ज्यून्द च। अर अपणा-अपणा मुकुट तैं निकळि के वेकी राजगद्‍दी का समणि रखदिन अर इन बुल्दिन कि,

दिब्य दरस 5:14

तब ऊं चार ज्यून्दा पराणों न इन बोलि, “आमीन” अर ऊ अध्यक्षों न भ्वीं मा पोड़ि के ऊं दुईयों की भक्‍ति कैरी।