लूका 16:16 - Garhwali

¹⁶ “यूहन्‍ना बपतिस्मा देण वळा का बगत तक मूसा का दियां नियम-कानून अर परमेस्वर का रैबर्यों का बारा मा परचार ह्‍वे। मगर यूहन्‍ना का बाद परमेस्वर का राज का शुभ समाचार का बारा मा परचार किये जाणु च, अर हरेक मनखि वेकी तरफा जल्दी से खिच्येणु च।

गढवली नयो नियम

¹⁶ जब तक यूहन्ना बप्तिस्मा दींणवलों ऐ, तब तक मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वला का तुम्हरो मार्गदर्शक च इलै अब स्वर्ग का राज्य कु शुभ सन्देश प्रचार किये जांद अर हर कुई भितर जांणु कु उत्सुक च।

लूका 16:16 ပူးပေါင်းရင်းမြစ်များ

मत्ती 10:7

अर जब तुम ये सफर तैं करिल्या त इन परचार कर्यां कि, ‘परमेस्वर राज करण वळु च अर उ नजदीक ही च।’

मत्ती 15:11

मनखि का गिच्‍चा बटि जु कुछ भि भितर जान्दु वु वेतैं अशुद्ध नि करदु, मगर जु कुछ भि वेका गिच्‍चा बटि भैर निकळदु उई वेतैं अशुद्ध करदु।”

मत्ती 21:32

अर यू मि इलै बोन्‍नु छौं किलैकि यूहन्‍ना बपतिस्मा देण वळु यू बतौणु खुणि ऐ कि मनखि तैं कनकै धरमी जीवन जीण चयेणु, अर तुम लोगु न वेकी बातों पर बिस्वास नि कैरी, पर चुंगी लेण वळो न अर वेश्याओं का जन दुसरा पापि लोगु न वेकी बातों पर बिस्वास कैरी। अर यू दिखण का बाद भि तुम लोगु न मन से पस्ताप नि कैरी, अर ना ही वेकी बातों पर बिस्वास कैरी।”

मत्ती 3:2

“अपणा-अपणा पापों से पस्ताप कैरा, किलैकि परमेस्वर राज करण वळु च अर उ नजदीक ही च।”

मत्ती 4:17

अर ये बगत बटि ही यीशु परचार करण लगि गै। अर वेन बोलि कि, “अपणा-अपणा पापों से पस्ताप कैरा, किलैकि परमेस्वर को राज नजदीक ही च अर उ राज करण वळु च।”

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मरकुस 1:14

अर जब यूहन्‍ना बपतिस्मा देण वळा तैं पकड़ी के जेलखाना मा डळै गै छौ, त यीशु गलील मुलक मा परमेस्वर का राज को शुभ समाचार सुणौन्द-सुणौन्द ऐ।

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

लूका 10:11

‘तुमरा ये नगर की धूळ भि ज्वा हमरा खुटों मा लगीं च, वींतैं हम तुमरा समणि झाड़ि देन्द्‍यां, पर जाणि जा कि परमेस्वर को राज तुमरा नजदीक ऐ गै।’

लूका 10:9

अर जु लोग उख बिमार छिन ऊंतैं खूब कैरा अर ऊंतैं बतै द्‍या कि, ‘परमेस्वर को राज तुमरा नजदीक ऐ गै।’

लूका 16:29

तब अब्राहम न वेकू बोलि, ‘ऊंका पास मूसा अर रैबर्यों कि किताब छिन, इलै वु ऊंकी सुणा।’

लूका 16:31

मगर अब्राहम न वेकू बोलि, ‘जब वु मूसा अर रैबर्यों की बातों तैं नि मणदिन, त अगर कुई मुरयां लोगु मा बटि ज्यून्दु ह्‍वेके जालु त वु वेकी भि नि मणला।’”

लूका 9:2

अर वेन ऊंतैं परमेस्वर का राज को परचार करणु कू अर बिमारों तैं खूब करणु कू भेजि।

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”

यूहन्ना 11:48

अगर जु हम वेतैं इन्‍नि छोड़ि द्‍यूला, त सभ्यों न वे पर बिस्वास करण लगि जाण। अर रोमी लोगु न ऐके हमरा मन्दिर अर हमरि परजा दुईयों तैं नास कैरी देण।”

यूहन्ना 12:19

तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्‍वे सकणु च, देखा, सरी दुनियां का लोग वेका पिछनै चलण लगि गैनी।”

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]

खास चेलों 3:18

अरे, परमेस्वर न पैलि ही अपणा सब रैबर्यों का द्‍वारा इन बुलवै छौ कि जै मसीह तैं मि भेजलु वेतैं यू दुख सौण पोड़लु, अर वेन यीशु मसीह का द्‍वारा वीं भविष्यबाणी तैं इनकै पूरु कैरी दिनी।