लूका 15:8 - Garhwali

⁸ अर वेन ऊंकू बोलि, “तुम मा बटि इन्दरि क्‍वा जि जनानि होलि, जिं का पास चांदी का दस सिक्‍का हो अर ऊं सिक्‍कों मा बटि एक हरचि जौ। तब वा जनानि वे सिक्‍का तैं मन लगै के खुज्याण मा लगि जौ, इख तक की द्‍यू बाळि के घौर का कुणों-काणों मा भि सुरदी रौ।

गढवली नयो नियम

⁸ जु क्य जनन मा दस चांदी का सिक्का हो अर ऊंमा बट्टी एक हरचि जौ त व दिवडा जलाली अर घौर मा झाडू लगाली अर तब तक ध्यान से खुजाली जब तक वे तैं खुज्यै नि द्यो अर उ मिली नि जौ?

लूका 15:8 ပူးပေါင်းရင်းမြစ်များ

मत्ती 5:15

अर लोग द्‍यू बाळि के कटोरा का तौळ ढकै के नि रखदिन, बल्किन मा एक ऊँची जगा पर रखदिन, ताकि उ घौर का सब लोगु तैं उज्याळु दे सैको।

लूका 15:7

अर मि या बात तुमतै बतै देन्दु, कि जु आनन्द ऊं निन्याणबे लोग का खातिर मणये जान्दु, वेसे भि जादा आनन्द एक पापि मनखि का पापों बटि पस्ताप करण का बगत मा स्वर्गलोक मा मणये जान्दु, हाँ ऊं निन्याणबे लोगु से जादा जौं तैं पस्ताप करण की कुई जरुरत नि च।”

लूका 15:9

अर जब उ सिक्‍का मिली जान्दु, तब वा जनानि अपणा दगड़्यों अर अपणा अर पड़ोसीयों तैं इकट्‍ठा कैरिके बुल्दी कि, ‘मेरा दगड़ा मा आनन्द मणा, किलैकि मितैं मेरु हरच्यूं सिक्‍का मिली गै।’

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

यूहन्ना 10:16

“मेरी और भि भेड़ छिन, जु कि ये गुठ्‍यार की नि छिन। अर यू जरुरी च, कि मि ऊंतैं भि अपणा गुठ्‍यार मा लेके औंऽऽ। तब ऊ भि मेरी आवाज तैं सुणला, अर तब एक ही झुण्ड अर एक ही चरवाह होलु।

यूहन्ना 11:52

अर सिरफ यहूदी लोगु खुणि ही ना, बल्किन परमेस्वर की औलाद जु कि तितर-बितर होईं छिन, ऊं सभ्यों तैं भि एकजुट करणु खुणि मुरलु।

खास चेलों 19:19

अर जादु-टोंणा करण वळो मा बटि भौत सा लोगु न अपणी-अपणी पोथि-पतरी इकट्‍ठा करिनी, अर सब लोगु का समणि फूकी दिनी। अर जब ऊं पोथि-पतरीयों को हिसाब जुडे़ गै, त ऊंकी कीमत लगभग पचास हजार दिन की ध्याड़ि का बराबर निकळि।

इफिसुस 2:17

अर वेन ऐके दुई दल का लोगु तैं शुभ समाचार सुणै। हे मेरा दगड़्यों, हम जु यहूदी जाति का छां, अर वेका नजदीक छां वेन यू शुभ समाचार हमतै सुणै। अर ठिक उन्‍नि तुमतै भि जु की यहूदी जाति का नि छाँ, अर वेसे दूर छाँ वेन तुमतै भि यू शुभ समाचार सुणै।