लूका 13:16 - Garhwali

¹⁶ त क्या यू काम ठिक नि छौ कि, या नौनि ज्वा कि अब्राहम का वंश मदि च जींतैं शैतान न अठारा साल बटि अपणा कब्जा मा कर्युं छौ, ईं तैं वे बटि आजाद करै जौ।

गढवली नयो नियम

¹⁶ अर क्य ठिक नि छो कि या जनन ज्वा अब्राहम की वंशज च जै तैं शैतान ल अठारह साल बट्टी बंधि के रख्युं छो यहूदियों का विश्राम का दिन जु परमेश्वर कु पवित्र दिन च अपड़ा बंधन बट्टी छुड़ैये जांदी?

लूका 13:16 ပူးပေါင်းရင်းမြစ်များ

मत्ती 4:10

तब यीशु न वेकी बात तैं नकारी के बोलि, “शैतान मेरा पास बटि दूर ह्‍वे जा, किलैकि पवित्रशास्‍त्र मा लिख्यूं च कि, ‘तू केवल अपणा प्रभु परमेस्वर की ही पूजा कैर, अर बस वेकी ही सेवा कैर।’”

मरकुस 2:27

तब यीशु न ऊंकू इन भि बोलि, “सब्त को दिन मनखि खुणि बणयै गै, ना कि मनखि सब्त का दिन खुणि।

लूका 16:24

तब वेन धै लगै के अब्राहम कू बोलि, ‘हे पिता, मि पर दया कैरा अर लाजर तैं मेरा पास भेजि द्‍या, ताकि उ अपणा अंगुळा तैं पाणि मा भिगै के मेरी जीब पर लगौ अर वा ठण्डी ह्‍वे जौ, किलैकि मि नरकलोक की आग मा तड़पणु छौं।’

लूका 19:9

तब यीशु न वेकू बोलि, “आज ये घौर का लोगु तैं छुटकारु मिली गै, किलैकि यू भि अब्राहम की पीढ़ी मदि एक च।

लूका 3:8

पर तुम इन्द्रया काम कैरा, ज्यां से इन पता चलु कि तुमुन मन से पस्तावा कैरियाली। अर अपणा-अपणा मनों मा यू नि सोचा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर मि तुमतै बतै देन्दु कि, परमेस्वर यू ढुंगो मा बटि भि अब्राहम खुणि औलाद पैदा कैरी सकदु च।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

खास चेलों 13:26

“हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।