लूका 11:19 - Garhwali

¹⁹ अगर जु मि बालजबूल की मदद से खबेसों तैं निकळदु छौं, त तुमरि शिक्षा का मुताबिक चलण वळा खबेसों तैं कै की मददळ निकळदिन? इलै वु लोग ही तुमतै गळत साबित करला।

गढवली नयो नियम

¹⁹ ठिक च जु मि शैतान कि मदद से दुष्टात्माओं तैं निकलदु छौं त तुमारी सन्तान कैकी मदद से निकलदी इलै उ ही तुमारो न्याय चुकाला।

लूका 11:19 ပူးပေါင်းရင်းမြစ်များ

मत्ती 10:25

अगर एक चेला अपणा गुरु का जन अर एक नौकर अपणा मालिक का जन ह्‍वे जौ, त वे खुणि इथगा भि काफी च। अर जब ऊं लोग न घौर का मालिक खुणि ही बालजबूल बोलियालि, त वेका घौर का लोगु खुणि क्या कुछ नि बुलला?”

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

लूका 19:22

तब वे मालिक न वेकू बोलि, ‘हे निकमा नौकर, मि तेरा बुलयां का मुताबिक तेरु न्याय करलु, जब त्वेतै पता छौ कि मि सक्‍त मनखि छौं, अर जख मि रखदु नि छौं उख बटि उठौन्दु अर जख मेरु बुतयूं नि उखे मि लवै करदु,

लूका 9:49

तब यूहन्‍ना न बोलि, “गुरुजी, हमुन एक आदिम तैं तुमरा नौ से खबेसों तैं निकळद देखि, अर हमुन वेकू मना कैरी, कि यू काम नि कैर। अर इन हमुन इलै कैरी, किलैकि उ हमरा दगड़ा मा नि रौन्दु।”

खास चेलों 19:13

मगर यहूदियों मा बटि कुछ लोग इन छा जु जग-जगा घूमी के झाड़-फूक कैरिके खबेसों तैं निकळण को काम करदा छा। अर यू लोग इन करण लगि गैनी कि जैमा भि खबेस लग्यूं रौन्दु छौ ऊंकू यीशु को नौ लेके इन बुल्दा छा कि, “जै यीशु को परचार पौलुस करदु, वेका नौ से मि त्वेतै आज्ञा देन्दु कि, ‘निकळ वेमा बटि।’”

रोमियों 3:19

अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।