लूका 10:7 - Garhwali

⁷ अर घौर-घौर नि जयां। पर वे ही घौर मा रयां, अर जु कुछ भि वु तुमतै खाण-पीणु कू द्‍याला तुम खयां, किलैकि काम करण वळा तैं वेकी ध्याड़ि मिलण चयेणी।

गढवली नयो नियम

⁷ वे ही घौर मा रावा अर जु कुछ ऊं बट्टी मिलो उ ही खयां अर पियां किलैकि मजदूर तैं अपड़ी मजूरी मिलण चयणी च अर घौर-घौर नि फिरयां।

लूका 10:7 ပူးပေါင်းရင်းမြစ်များ

मरकुस 6:10

अर वेन ऊंकू इन भि बोलि, “जै भि घौर मा तुम लोग रुकिल्या, वे घौर मा तब तक रयां जब तक की तुम वे नगर बटि विदै नि ले लिन्द्‍यां।

लूका 10:6

अर अगर उख कुई मनखि शान्ति को जीवन जीण वळु होलु, त शान्ति को उ वचन वे पर ठैरि जालु, निथर तुम मा वापिस ऐ जालु।

लूका 9:4

अर जै घौर मा तुम जैल्या, उखि रयां अर वे घौर बटि ही विदा होयां।

खास चेलों 16:15

अर जब वींन अपणा घौर का सब लोगु समेत बपतिस्मा ले दिनी, त वींन हम से बिन्ती कैरी कि, “अगर तुम सच्‍चि मा मितैं प्रभु पर बिस्वास रखण वळी समझद्‍यां त आज मेरा घौर मा चलि के बासा रा।” अर वींन अपणा घौर औणु खुणि हमतै मणै दिनी।

खास चेलों 16:34

तब जेलर ऊंतैं अपणा घौर लि गै अर ऊंकी दावत कैरी, अर परमेस्वर पर बिस्वास कैरिके जेलर न अर वेका घौर का सब लोगु न बड़ी खुशी मणै।

खास चेलों 16:40

तब ऊ जेलखाना बटि निकळि के लुदिया जनानि का घौर मा ऐनी, अर बिस्वासी भै-बैंणो से मिलिनी अर ऊंकी हिम्मत बढै। अर येका बाद ऊ उख बटि चलि गैनी।

गलातियों 6:6

अर जु मनखि परमेस्वर का वचन की शिक्षा तैं पौणु च, वु अपणी सब अच्छी चीजों को साझा सिखौण वळा का दगड़ा मा कैरो।

1 तीमुथियुस 5:13

अगर इन्दरि विधवाओं की मदद होलि, त वु अळकसि ह्‍वे जालि। इथगा ही ना पर उ बेमतलब मा घौर-घौर घूमी के एक-दुसरे की छुईं ही लगाली। अर जु-जु बात बोन्‍न ठिक नि होनदिन वु सब बात यू बोललि।

2 तीमुथियुस 2:6

अर जु किसान कड़ी मेनत करदु, उ फसल की पैलि उपज लेण का लैख च।