लूका 10:41 - Garhwali

⁴¹ तब प्रभु न वींतैं जबाब देई, “हे मारथा, तू भौत सरी बातों की चिन्ता-फिकर करदी अर घबरान्दी छैई।

गढवली नयो नियम

⁴¹ प्रभु यीशु ल वीं तैं जवाब दींनि, मार्था हे मार्था तु भौत बातों की चिंता करदी अर घबरांदि छै।

लूका 10:41 ပူးပေါင်းရင်းမြစ်များ

मरकुस 4:19

मगर ईं दुनियां मा अगनै चलि के जीवन की चिन्ता-फिकर, अर धन-दौलत को धोखा, अर इन्‍नि दुसरि चीजों को लालच भि ऊंमा ऐ जान्दु। अर ऊ वे वचन तैं दबै देन्दिन, इलै ही वे पर फल नि लगदिन।

लूका 10:38

एक बार यीशु अर वेका चेला जाणा छा, त वु एक गौं मा गैनी, तब मारथा नौ की एक जनानि न अपणा घौर मा ऊंको स्वागत कैरी।

लूका 10:40

मगर मारथा काम-काज करद-करद भौत परेसान ह्‍वे गै। तब वा यीशु का पास ऐके बोन्‍न लगि गै, “प्रभु, क्या तुमतै कुछ भि चिन्ता नि च, कि मेरी बैंण न मैमानों की सेवा करणु खुणि मितैं अकेला छोड़याली? इलै वींकू बोला कि मेरा दगड़ा मा मदद कैर।”

लूका 12:22

तब यीशु न अपणा चेलों कू बोलि, “इलै मि तुम खुणि बोन्‍नु छौं कि अपणा जीवन की चिन्ता-फिकर नि कैरा कि हम क्या जि खौला, अर ठिक उन्‍नि अपणा सरील की चिन्ता नि कैरा कि क्या जि पैरुला।

लूका 21:34

इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु।

लूका 8:14

अर जु बीज झिबलांणो मा पोड़ीनी, ऊ वु लोग छिन जौन वचनों तैं सुणी, मगर अगनै चलि के जीवन की चिन्ता-फिकर मा, अर धन-दौलत मा, अर मौज-मस्ती मा फंसी जनदिन, अर ऊ बिस्वास मा मजबूत नि होनदिन।

यूहन्ना 11:1

यहूदिया मुलक का बैतनिय्याह गौं मा लाजर नौ को एक मनखि छौ अर उ बिमार पोड़्यूं छौ। वेकी दुई बैंण मरियम अर मारथा छै। (या वा ही मरियम च, ज्वा बाद मा प्रभु यीशु का खुटों मा खुशबुदार तेल डालि के अपणा बाळो से फुंजन्दी च)।

यूहन्ना 11:5

अर यीशु, मारथा अर वीं की बैंण अर ऊंका भै लाजर बटि प्यार करदु छौ।

यूहन्ना 12:2

तब उख ऊंन यीशु खुणि खाणु बणै अर मारथा खातिरदारि मा लगि रै, अर लाजर भि ऊंका दगड़ा मा खाणुक खाणु कू बैठयूं छौ।

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।