लूका 10:22 - Garhwali

²² अर मेरा पिता न मि मा सब कुछ सौंप्याली, अर पुत्र का अलावा कुई नि जणदु कि पिता कु च, अर ना ही पिता का अलावा कुई जणदु की पुत्र कु च, पर केवल पुत्र ही च जै पर उ चान्दु, वे पर वेतैं परगट करदु।”

गढवली नयो नियम

²² मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

लूका 10:22 ပူးပေါင်းရင်းမြစ်များ

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

मत्ती 11:27

तब यीशु न लोगु कू इन भि बोलि, “पिता परमेस्वर न सब कुछ मि मा सौंप्याली, अर पिता का अलावा कुई नि जणदु कि पुत्र कु च, अर ना ही पुत्र का अलावा कुई जणदु की पिता कु च, पर केवल पुत्र ही च जै पर उ चान्दु, वे पर वेतैं परगट करदु।”

मत्ती 28:18

तब यीशु न ऊंका पास ऐके बोलि, “स्वर्ग अर ईं धरती को पूरु अधिकार मितैं दियूं च।

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 10:15

अर भेड़ों का बानो मि अपणी जान दे देन्दु।

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

यूहन्ना 17:10

अर जु कुछ भि मेरु च, उ सब तुमरो ही च। अर जु तुमरो च, उ मेरु भि च। अर ऊं ही चेलों द्‍वारा मेरी महानता का बारा मा पता चलदु।

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 17:26

अर मिन तुमरा बारा मा ऊंतैं बतै, अर अगनै भि ऊंतैं बतौणु रौलु। किलैकि जु प्यार तुमुन मि बटि कैरी, उई प्यार ऊंमा बणयूं रौ अर मि भि ऊंमा बणयूं रौ।”

यूहन्ना 17:5

“हे पिता, दुनियां की शुरुवात से पैलि जब मि तुमरा दगड़ा मा छौ, तब मितैं बड़ु आदर-सम्मान मिलदु छौ, अर अब जब तुमरा दगड़ा मा रौलु त उई आदर-सम्मान मितैं मिलु।”

यूहन्ना 3:35

अर पिता अपणा पुत्र से प्यार करदु, अर वेन सब कुछ वेका हाथों मा सौंप्याली।

1 कुरिन्थि 15:24

अर येका बाद ईं दुनियां को नास होण को बगत ऐ जाण। तब दुनियां पर राज करण वळा सब अधिकारीयों अर बुरी ताकतों को यीशु मसीह न नास कैरी देण, तब वु अपणा राज्य तैं पिता परमेस्वर का हाथ मा सौंपी द्‍यालु।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

इफिसुस 1:21

अर हरेक सासन करण वळु या अधिकार रखण वळु, या जौं का पास कुछ ताकत हो या कुई खास आदिम जैका पास कै मुलक या जगा को अधिकार हो, यों सभ्यों का मथि पिता परमेस्वर न यीशु मसीह तैं सबसे बड़ु पद दिनी, अब चै ये युग मा हो या औण वळा युग मा।

इब्रानी 2:8

अर तुमुन सब कुछ वेका अधीन मा कैरियाली।” अर सब कुछ वेका अधीन मा कैरी देण को मतलब यू च कि जथगा भि चीज छिन वु सब कुछ वेका हाथों मा छिन अर जन वु चौ वेको इस्तेमाल कैरी सकदु। मगर फिर भि आज हम इन दिखद्‍यां, कि कुछ बात इन छिन जु कि अभि भि वेका अधीन मा नि छिन।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

2 यूहन्ना 1:9

अर जु मनखि यीशु मसीह की शिक्षा मा बणयूं नि रौन्दु, बल्किन मा वेतैं छोड़ि के दूर चलि जान्दु, त वेका पास परमेस्वर नि च। पर जु मनखि वेकी शिक्षा मा बणयूं रौन्दु, वेका पास पिता अर पुत्र दुई छिन।