लूका 10:2 - Garhwali

² अर यीशु न ऊंकू बोलि, “फसल त लवै कू तयार च पर मजदूरों की कमी च, इलै पुंगड़ा का मालिक बटि बिन्ती कैरा, कि उ अपणा पुंगड़ों की लवै करणु खुणि मजदूरों तैं भेजि द्‍यो।”

गढवली नयो नियम

² अर यीशु ल ऊंमा बोलि, “फसह कु त्योहार कु पक्याँ पुंगड़ा त बिजां छिन पर मजदूर कम छिन” इलै पुंगड़ा का स्वामि परमेश्वर बट्टी प्रार्थना कैरी कि उ अपड़ा पुंगड़ा लवैइ कनु कु मजदूर भेजि द्यो।

लूका 10:2 ပူးပေါင်းရင်းမြစ်များ

मत्ती 20:1

अर यीशु न अपणा चेलों कू इन भि बोलि कि, “परमेस्वर को राज इन च कि एक घौर को मालिक सुबेर लेके अपणा घौर बटि इलै निकळि, ताकि अपणा अंगूरों का बगिचा मा काम करणु खुणि मजदूरों तैं लगौ।

मरकुस 13:34

“अब मि तुमतै वे दिन अर वे बगत का बारा मा एक उदारण बतौन्दु, एक दिन एक मनखि जैन परदेस जाण का बगत अपणा घौर की जबाबदारी अपणा नौकरों का हाथों मा सौंप दिनी, अर हरेक तैं वेको काम बतै, अर पैरेदार तैं आज्ञा दिनी की चौकस रै।

मरकुस 16:15

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

मरकुस 16:20

अर चेलों न उख बटि निकळि के हरेक जगा जैके परचार कैरी। अर प्रभु भि ऊंका दगड़ा-दगड़ि काम कनु रै। अर ऊंका द्‍वारा जु चिन्‍न-चमत्कार का काम होणा छा, वेका द्‍वारा वेन इन साबित कैरी, कि जै वचन को परचार ऊ कना छिन उ वचन सच्‍चु च।]

लूका 9:1

तब यीशु न बारह चेलों तैं एक साथ बुलै, अर ऊंतैं सब खबेसों तैं निकळणु को अर बिमारियों तैं खूब करण की सामर्थ अर अधिकार दिनी।

खास चेलों 11:19

अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्‍वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै।

खास चेलों 13:2

अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

खास चेलों 13:4

तब बरनबास अर शाऊल पवित्र आत्मा का द्‍वारा सिलूकिया नगर कू भेजि गैनी अर इख पौंछण का बाद ऊ एक पाणि का जाज मा बैठि के साइप्रस टापू कू चलि गैनी।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

खास चेलों 8:4

मगर जु बिस्वासी लोग तितर-बितर ह्‍वे गै छा, वु जख भि गैनी ऊंन उख-उख शुभ समाचार को परचार कैरी।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

फिलिप्पी 2:21

किलैकि सब लोग अपणा ही फैदा की खोज मा लग्यां छिन, ना कि ईं बात की खोज मा की यीशु मसीह क्या चान्दु।

फिलिप्पी 2:25

पर फिर भि मितैं यू जरुरी लगदु कि मि तुमरा पास इपफ्रुदीतुस भै तैं वापस भेजूँ, अर उ मसीह मा मेरु एक भै का जन अर सेवा का काम मा मेरा दगड़ा मा एक सिपै का जन काम करण वळु च। अर तुम लोगु न मेरी जरुरतों तैं पूरु करणु खुणि अपणा खास आदिम का रुप मा वेतैं मेरा पास भेजि छौ, ताकि उ मेरी मदद कैरी सैको।

फिलिप्पी 2:30

किलैकि यीशु मसीह का काम का खातिर वेन अपणी जान की भि बाजी लगै दिनी इख तक की उ मुरण वळु छौ। अर इपफ्रुदीतुस भै न मि खुणि सेवा को उ काम भि पूरु कैरी जैतैं तुम लोग दूर रै के नि कैरी सकद्‍यां।

कुलुसी 1:29

अर इलै ही मि येतैं पूरु करणु खुणि कड़ी मेनत करदु, अर बड़ी जनतौ-जहैत करदु अर यू मि यीशु मसीह की दिईं सामर्थ का द्‍वारा करदु, ज्वा कि मेरा भितर काम कनि च।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

1 थिस्सलुनीकी 5:12

हे मेरा भै-बैंणो, हम तुम से बिन्ती करद्‍यां, कि तुम ऊं लोगु की कदर कैरा, जु तुमरा बीच तुमतै सच्‍चै की शिक्षा देके वेको बाटु बतौन्दिन। अर ऊंकी या शिक्षा इलै च, ताकि तुम लोग प्रभु मा और अगनै बैढी सैका।

2 थिस्सलुनीकी 3:1

हे मेरा भै-बैंणो, आखिरी मा हम तुमकु इन भि बुल्द्‍यां, कि हम खुणि प्रार्थना कर्यां ताकि जन तुम लोगु का बीच मा परमेस्वर को वचन फैली, ठिक उन्‍नि दुसरा लोगु का बीच मा भि परमेस्वर को वचन जल्दी-जल्दी परचार किये जौ। अर वे वचन तैं सुनण वळा बड़ा आदर-सम्मान बटि वेतैं स्वीकार कैरा।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

फिलेमोन 1:1

हे मेरा प्यार भै फिलेमोन, मि पौलुस ईं चिठ्‍ठी तैं हमरा भै तीमुथियुस का दगड़ा मा मिली के त्वे खुणि लिखणु छौं जु कि हमरा दगड़ा मा सेवा को काम करदु। मेरा दगड़्या, मि इख यीशु मसीह की सेवा का बानो कैदी होयुं छौं,

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

दिब्य दरस 2:1

तब यीशु न मिकू बोलि कि, “इफिसुस नगर मा रौण वळा बिस्वासी समुदाय का दूत खुणि इन लिख कि: “यीशु जैका दैंणा हाथ मा सात गैंणा छिन, अर जु सोने की सात दीपदानों का बीच मा चलदु च उ इन बुल्दु कि: