लूका 1:76 - Garhwali

⁷⁶ तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

गढवली नयो नियम

⁷⁶ अर तु हे नौंना परमप्रधान परमेश्वर कु परमेश्वर का तरपां बट्टी बुल्ण वलो जंणेलि किलैकि तु प्रभु की सेवा कनु कु वेका अगनैं-अगनैं हिटिलि

लूका 1:76 ပူးပေါင်းရင်းမြစ်များ

मत्ती 14:5

अर हेरोदेस यूहन्‍ना तैं जान से मरण चान्दु छौ, पर वु लोगु से डऽरदु छौ, किलैकि लोग यूहन्‍ना तैं परमेस्वर को रैबर्या मणदा छा।

मत्ती 21:26

अर अगर जु हम इन बुल्द्‍यां, ‘मनखियों की तरफा बटि,’ त हम कू भीड़ की डौऽर च, किलैकि यू सब यूहन्‍ना तैं परमेस्वर को एक रैबर्या मणदिन।”

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मत्ती 3:3

अर यू यूहन्‍ना उई च जैका बारा मा परमेस्वर का रैबर्या यशायाह न बोलि छौ कि, “निर्जन जगा मा एक पुकरण वळे की आवाज औणी च, प्रभु खुणि बाटु तयार कैरा वे खुणि बाटु सैणु कैरा।”

मरकुस 11:32

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ, त भीड़ का लोगु न हम पर गुस्सा करण।’ असल, मा यू सब भीड़ का लोगु से डऽरणा छा, किलैकि सब लोग जणदा छा कि यूहन्‍ना बपतिस्मा देण वळु सच्‍चि मा एक रैबर्या च।”

लूका 1:32

उ महान होलु, अर वे खुणि सबसे महान परमेस्वर को पुत्र बुले जालु। अर प्रभु परमेस्वर वेका पितर राजा दाऊद की राजगद्‍दी वेतैं द्‍यालु।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

लूका 6:35

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

यूहन्ना 1:23

तब यूहन्‍ना न बोलि, “जन परमेस्वर का रैबर्या यशायाह न बोलि छौ कि, “‘मि निर्जन जगा मा पुकरण वळे की एक धै छौं। वेन बोलि छौ, कि प्रभु को बाटु सैणु कैरा।’”

यूहन्ना 1:27

यू उई च, जु मेरा बाद औण वळु छौ। मि इथगा लैख भि नि छौं कि वेका जुतों का तसमा भि खोली सैकु।”

यूहन्ना 3:28

मिन बोलि छौ कि, ‘मि मसीह नि छौं पर वेसे पैलि भेज्यूं ग्यों।’ अर ईं बात मा तुम खुद ही मेरा गवा छाँ।

खास चेलों 16:17

अर वा नौनि पौलुस अर हमरा पिछनै ऐके चिल्‍लै के बोन्‍न लगि गै कि, “यू लोग सबसे महान परमेस्वर का सेवक छिन, जु की तुमतै बचौण वळा बाटा का बारा मा बतौणा छिन।”