यूहन्ना 9:4 - Garhwali

⁴ अर जबरि तक दिन च तबरि तक यू जरुरी च कि हम वेका कामों तैं पूरु कैरी द्‍या जैन मितैं भेजि च, किलैकि देखा, रात होण वळी च तब कुई भि काम नि कैरी सकदु।

गढवली नयो नियम

⁴ जैल मि तैं भेजि, मि जल्दी से वेका द्वारा मि तैं सौंपी जाला कामों तैं पूरो कन च उ रात औंण वली च जैं मा कुई काम नि कैरी सकदु।

यूहन्ना 9:4 ပူးပေါင်းရင်းမြစ်များ

मत्ती 20:7

ऊंन वेकू बोलि, ‘किलैकि साब, हमतै कैन भि ध्याड़ि पर नि रखी।’ वे मालिक न ऊंकू बोलि, ‘जा, मेरा अंगूर का बगिचा मा जैके ध्याड़ि को काम कैरा।’

मरकुस 3:3

तब यीशु न वे सुख्यां हाथ वळा आदिम कू बोलि, “उठ, अर इख बीच मा खड़ु ह्‍वे जा।”

यूहन्ना 10:32

पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

यूहन्ना 10:37

अगर जु मि अपणा पिता का कामों तैं नि करदु, त तुम मेरु बिस्वास नि कैरा।

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

यूहन्ना 17:4

अर जु काम करणु कू तुमुन मितैं दे छा, ऊंतैं पूरु कैरिके मिन दिखैयालि, कि तुम कथगा महान छाँ।

यूहन्ना 4:34

तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

यूहन्ना 7:33

तब यीशु न लोगु कू बोलि, “मि कुछ बगत तक ही तुमरा दगड़ा मा छौं, अर फिर अपणा भेजण वळा का पास चलि जौलु।

खास चेलों 4:20

देखा अब इन त ह्‍वे नि सकदु, कि हमुन जु देखि अर सुणी च वेका बारा मा हम कुछ नि बोला।”

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

इफिसुस 5:16

यीशु मसीह की तरौं जीवन जीणु खुणि बगत तैं अच्छु समझि के वेको पूरु इस्तेमाल कैरा, किलैकि दिन बुरा छिन।

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।