यूहन्ना 9:28 - Garhwali

²⁸ फिर ऊ वेकू ज्या कुछ बुलण लगि गैनी अर बोलि, “हम त मूसा का चेला छां, पर तू ही वेको चेला छैई।

गढवली नयो नियम

²⁸ तब उ वेको बुरो भलो बोलि कि तु ही वेकु चेला छै हम त परमेश्वर का तरपां बट्टी बुल्ण वला मूसा कु चेला छा।

यूहन्ना 9:28 ပူးပေါင်းရင်းမြစ်များ

मत्ती 27:39

अर जु लोग उख बटि औणा-जाणा छा वु वेकी बेजती कना छा, अर अपणु मुण्ड़ हिलै-हिलै के इन बोन्‍ना छा कि,

मत्ती 5:11

“अर धन्य छाँ तुम, किलैकि जब लोग मेरी वजै से तुमतै बदनाम करला, अर तुमतै सताला अर झूठ्‍ठ बोलि-बोलि के तुमरा खिलाप मा बन्‍नि-बन्‍नि किसम की बात बुलला,

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

रोमियों 2:17

तुम लोग जु कि खुद तैं यहूदी जाति का बतौन्द्‍यां, अर अपणु भरोसा नियम-कानून पर रखद्‍यां। अर तुम बुल्द्‍यां की हमरु रिश्ता पिता परमेस्वर का दगड़ा मा च इलै तुम ईं बात पर बड़ु मोन करद्‍यां,

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

1 कुरिन्थि 6:10

चोरी करण वळा, लालची, दरोळया, गळी देण वळा, अर दुसरो तैं ठगण वळा, इन्द्रया लोग पिता परमेस्वर का राज का वारिस नि होला।

1 पतरस 2:23

वेन गळी का बदला मा कैतैं गळी नि देई, अर ना ही वेन दुख का बगत मा कैतैं धमकी देई, बल्किन मा वेन खुद तैं परमेस्वर का हाथों मा सौंपी दिनी, जु कि सच्‍चै से न्याय करदु।