यूहन्ना 9:24 - Garhwali

²⁴ तब ऊंन वे मनखि तैं, जु की पैलि अन्धु छौ, दुसरि दौं बुलै अर वेकू बोलि, “परमेस्वर की कसम खै के सच्‍च बोल। अर हम त जणदा छां, कि उ एक पापि मनखि च।”

गढवली नयो नियम

²⁴ तब यहूदी अगुवों ल वे मनिख कु जु अंधों छो दुसरी बार बुलै के वेमा बोलि, परमेश्वर का संमणी वादा कैरी के तु सच बतालो; हम त जंणदा छा कि उ मनिख पापी च।

यूहन्ना 9:24 ပူးပေါင်းရင်းမြစ်များ

मरकुस 15:27

अर यीशु का दगड़ा-दगड़ि दुई और डाकुओं तैं भि क्रूस पर चड़ये गै, एक तैं वेकी दैंणी तरफा अर दुसरा तैं वेकी बैं तरफा। [

लूका 15:2

तब फरीसी दल का लोग अर शास्‍त्री लोग कुड़कुड़ै के बोन्‍न लगि गैनी, “यू त पापि मनखियों का दगड़ा मा मेल-जोल रखदु, अर ऊंका दगड़ा मा खान्दु-पीन्दु च।”

लूका 19:7

अर यू देखि के भीड़ का लोग न बबड़णान्द-बबड़णान्द बोलि, “अरे, यू त एक पापि मनखि का घौर मा रुकणु कू जाणु।”

लूका 7:39

अर यू देखि के उ फरीसी, जैन यीशु तैं अपणा घौर मा बुलै छौ, उ अपणा मन मा सुचण लगि गै कि, “अगर जु यू परमेस्वर को रैबर्या होन्दु, त यू जाणि जान्दु, की या जनानि क्‍वा च, अर कन्दरि च, ज्वा वेतैं छूणि च। अर उ इन भि जाणि जान्दु, कि वा एक पापि च।”

यूहन्ना 14:30

अर अब मिन तुमरा दगड़ा मा जादा बात नि करण, किलैकि ईं दुनियां पर राज करण वळु औण वळु च। फिर भि वेको मि पर कुई भि अधिकार नि च।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 18:30

तब ऊंन वेतैं जबाब देई, “अगर यू मनखि अपराधि नि होन्दु, त हम येतैं तुमरा सुपुर्द नि करदा।”

यूहन्ना 19:6

अर जन्‍नि मुख्य पुरोहितों न अर मन्दिर का पैरादारों न यीशु तैं देखि, ऊ चिल्‍लै-चिल्‍लै के बुलण लगि गैनी, “वेतैं क्रूस पर चड़ै द्‍या, वेतैं क्रूस पर चड़ै द्‍या।” पर पिलातुस न ऊंकू बोलि, “तुम ही येतैं लि जा, अर क्रूस पर चड़ा किलैकि मितैं वेमा कुई दोष नि दिखेन्दु।”

यूहन्ना 5:23

किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

यूहन्ना 8:46

तुम मा बटि इन कु च जु मितैं पापि ठैरै सकदु? मि जु सच्‍च बोन्‍नु छौं, त तुम मेरु बिस्वास किलै नि करद्‍यां?

यूहन्ना 8:49

पर यीशु न जबाब देई, “मि पर खबेस नि लग्यूं। अर मि त अपणा पिता को आदर-सम्मान करदु छौं, पर तुम त मितैं कुछ भि नि समझद्‍यां।

यूहन्ना 9:16

ईं बात का बाना कुछ फरीसी बुलण लगि गैनी कि, “यू मनखि परमेस्वर की तरफा बटि नि अयूं, किलैकि यू सब्त का दिन तैं मणदु ही नि च।” पर दुसरा लोगु न बोलि, “कुई पापि मनखि इन चिन्‍न-चमत्कार कनकै कैरी सकदु?” इलै ऊं लोगु का बीच मा फूट पोड़ि गै।

यूहन्ना 9:25

तब वेन जबाब देई, “मि नि जणदु, कि उ मनखि पापि च या नि च। पर मि त केवल इथगा जणदु, कि मि अन्धु छौ अर अब दिखण लगि ग्यों।”

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

दिब्य दरस 11:13

अर वे ही बगत एक बड़ु भ्वींचळु ऐ अर नगर का दसुं हिस्सा को नास ह्‍वे गै, अर सात हजार लोग वे भ्वींचळा मा मोरि गैनी। अर बच्यां लोगु मा डौऽर समै गै अर ऊंन स्वर्ग मा रौण वळा परमेस्वर की बडै कैरी।