यूहन्ना 9:22 - Garhwali

²² वेका ब्वे-बाब यहूदियों का मुख्यों बटि डौऽरदा छा, इलै ऊंन इन बोलि। किलैकि यहूदियों का मुख्यों न एक सला बणैयालि छै, कि जु कुई भि इन कबूल कैरी द्‍यालु कि यीशु ही मसीह च, वेतैं हमेसा खुणि प्रार्थना भवन बटि भैर कैरी दिये जालु।

गढवली नयो नियम

²² यु बातों तैं वेका ब्वे-बुबा ल इलै बोलि, किलैकि उ यहूदी अगुवों बट्टी डरदा छा; किलैकि यहूदी अगुवा एकमत हवे गै छा कि जु विश्वास कैरी की यीशु ही मसीह च त यहूदियों का मिलणा का भवन मा बट्टी निकाले जौं।

यूहन्ना 9:22 ပူးပေါင်းရင်းမြစ်များ

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 19:38

अर अरिमतिया नगर मा यूसुफ नौ को एक मनखि छौ, जु की यीशु पर बिस्वास करण वळु छौ। पर यहूदियों की डौऽर की वजै से ईं बात तैं छिपै के रखदु छौ। तब उ पिलातुस का पास जैके बिन्ती करण लगि गै, कि उ यीशु की लांश तैं लि जौ। अर पिलातुस बटि इजाजत मिलण का बाद उ ऐके यीशु की लांश तैं लि गै।

यूहन्ना 20:19

अर वे ही दिन याने कि इतवार की श्याम बगत यीशु का चेला एक कमरा मा छा। अर यहूदियों की डौऽर का बाना ऊंन द्‍वार बन्द कैरियाली छा, कि तबरि यीशु ऊंका बीच मा ऐके खड़ु ह्‍वे गै, अर ऊंकू बोलि, “तुमतै शान्ति मिलु।”

यूहन्ना 7:13

पर यहूदी मुख्यों का डौऽरा बाना कुई भि वेका बारा मा खुलि के नि बोन्‍नु छौ।

यूहन्ना 9:18

पर यहूदियों का मुख्यों तैं फिर भि बिस्वास नि ह्‍वे, कि उ अन्धु छौ अर अब दिखण लगि गै। इलै ऊंन वेका ब्वे-बबों तैं बुलै।

यूहन्ना 9:21

पर हम यू नि जणद्‍यां, कि उ कनकै दिखण लगि गै अर यू भि नि जणद्‍यां, कि कैन वेतैं खूब कैरी। पर तुम वेतैं ही पूछील्या, किलैकि अब उ बड़ु ह्‍वे गै अर उ अपणा बारा मा अफि बोलि सकदु च।”

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

यूहन्ना 9:35

फिर यीशु न सुणी, कि यहूदियों का मुख्यों न वे जनम का अन्धा तैं भैर निकाळयालि। तब यीशु जैके वे बटि मिली अर वेकू बोलि, “क्या तू मनखि का पुत्र पर बिस्वास करदी?”

खास चेलों 4:18

तब ऊंन पतरस अर यूहन्‍ना तैं बुलै अर ऊंतैं हड़कै के बोलि, “कन्दूड़ खोली के सुणा, यीशु नौ की चर्चा फिर नि कर्यां अर ना ही कुछ सिखयां।”

खास चेलों 5:13

फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा।

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”