यूहन्ना 8:6 - Garhwali

⁶ ऊंन वेतैं अजमौणु कू या बात बोलि, ताकि यीशु पर इळजाम लगै सैका। पर यीशु मूड़ी-झुकि के अपणा अंगुळळ भ्वीं मा कुछ लिखण लगि गै।

गढवली नयो नियम

⁶ ऊंल यीशु तैं परखणु कु या बात बोलि, कि यीशु पर भंगार लगांणु कु कुई बात मिलो, पर यीशु भस झुकि गै अर अंगुली ल धरती पर लिखण लगि गै।

यूहन्ना 8:6 ပူးပေါင်းရင်းမြစ်များ

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

मत्ती 15:23

पर यीशु न वींतैं कुछ जबाब नि दिनी। तब वेका चेलों न पास ऐके बोलि, “गुरुजी, ईं तैं इख बटि विदा कैर द्‍या, किलैकि या हमरा पिछनै चिल्‍लै-चिल्‍लै के औणी च।”

मत्ती 16:1

एक दिन फरीसी अर सदूकी दल का लोगु न यीशु का पास ऐके वेकी अजमैस करण का खातिर वेकू बोलि, “हमतै स्वर्ग मा बटि कुई चमत्कारिक चिन्‍न दिखौ।”

मत्ती 19:3

तब फरीसी दल का लोग यीशु की अजमैस करणु खुणि वेका पास ऐनी अर ऊंन वेकू बोलि, “क्या या बात ठिक च, कि कुई भि मनखि अपणी जनानि तैं कैं भि वजै से तलाक दे सकदु?”

मत्ती 22:18

पर यीशु न ऊंका मन का कपट तैं जाण्यालि छौ इलै वेन ऊंकू बोलि, “हे ढोंगियों, तुम मितैं किलै अजमौणा छाँ?

मत्ती 22:35

तब ऊंमा बटि एक मनखि जैतैं यहूदी नियम-कानूनों को भौत अच्छु ज्ञान छौ वेन यीशु तैं अजमौणु खुणि वेसे पूछी,

मत्ती 26:63

पर यीशु चुप रै। तब महा पुरोहित न वेकू बोलि, “मि त्वेतै ज्यून्दा परमेस्वर की कसम देन्दु, हमतै बतौ कि क्या तू परमेस्वर को पुत्र मसीह छैई।”

मरकुस 10:2

तब कुछ फरीसी दल का लोग यीशु का पास ऐनी, अर ऊंन वेतैं अपणी बात मा फसौणु खुणि वेसे पूछी, “क्या या बात नियम का मुताबिक ठिक च, कि कुई भि मनखि अपणी जनानि तैं तलाक दे सकदु?”

मरकुस 12:15

पर यीशु ऊंका मन का कपट तैं जाणि गै इलै वेन ऊंकू बोलि, “तुम मितैं किलै अजमौणा छाँ? मेरा पास चांदी को एक सिक्‍का ला, अर मितैं दिखा।”

मरकुस 3:2

अर कुछ लोग यीशु की ताक मा छा, कि उ सब्त का दिन पर वे मनखि तैं खूब करदु च कि ना, ताकि वु वे पर इळजाम लगै सैका।

मरकुस 8:11

अर फरीसी दल का कुछ लोग यीशु का पास ऐके वाद-विवाद करण लगि गैनी, अर वेकी अजमैस करणु खुणि स्वर्ग बटि कै चमत्कारिक चिन्‍न तैं दिखौण की मांग कैरी।

लूका 10:25

अर एक बार एक मनखि जु की शास्‍त्री छौ, वेन यीशु तैं परखण का खातिर खड़ु ह्‍वेके बोलि, “गुरुजी, सदनि का जीवन को वारिस होणु खुणि मि क्या जि कैरुं?”

लूका 11:16

तब कुछ लोगु न वेकी अजमैस करण खुणि वे बटि एक स्वर्गीय चिन्‍न की मांग कैरी।

यूहन्ना 8:2

रात खुलदि यीशु मन्दिर मा ऐ। तब सभि लोग वेका पास ऐनी अर उ बैठि के ऊंतैं उपदेस देण लगि गै।

1 कुरिन्थि 10:9

अर ना ही हम प्रभु तैं परखा कि उ कब तक हमरा दगड़ा मा च, किलैकि ऊंमा बटि भौत सा लोगु न इन्‍नि कैरी छौ। तब ऊंतैं दण्ड मिली, अर गुरौ न ऐके ऊंतैं काटी अर भौत सा लोग इनकै मोरि गैनी।