यूहन्ना 8:59 - Garhwali

⁵⁹ तब ऊंन यीशु पर मरणु कू ढुंगा उठैनि, पर यीशु न खुद तैं छिपै अर मन्दिर बटि निकळि गै।

गढवली नयो नियम

⁵⁹ तब ऊंल यीशु तैं मरणु कु ढुंगा उठैनि पर यीशु छिपी कै यरूशलेम शहर का मन्दिर बट्टी निकली गै।

यूहन्ना 8:59 ပူးပေါင်းရင်းမြစ်များ

मत्ती 12:14

तब फरीसी दल का लोग उख बटि भैर चलि गैनी, अर यीशु तैं जान से मरणु खुणि सला बणौण लगि गैनी।

लूका 24:31

तब ऊ समझि गैनी अर ऊंन वेतैं पछ्याण दिनी, मगर यीशु ऊंकी समणि बटि झट गैब ह्‍वे गै।

यूहन्ना 11:54

इलै वे दिन बटि यीशु न यहूदी लोगु का बीच मा खुलाआम घूमण बन्द कैरी दिनी। पर उ उख बटि निकळि के इफ्राइम नौ का एक नगर मा चलि गै, जु कि निर्जन जगा का नजदीक का मुलक मा छौ। अर अपणा चेलों का दगड़ा मा उ उख रौण लगि गै।

यूहन्ना 11:8

तब चेलों न वेकू बोलि, “गुरुजी, अभि कुछ दिन पैलि त यहूदी लोग तुमतै ढुंग्योण चान्दा छा, अर क्या तुम फिर से उखि जाण चन्द्‍यां?”

यूहन्ना 12:36

अर जब तक उज्याळु तुमरा दगड़ा मा च, तुम उज्याळा पर बिस्वास कैरा। ताकि तुम उज्याळे की औलाद बणि जा।” अर यों बातों तैं बोन्‍ना का बाद यीशु उख बटि चलि गै, अर ऊं बटि छिप्यूं रै।

यूहन्ना 18:31

तब पिलातुस न ऊंकू बोलि, “तुम येतैं लि जा, अर अपणा नियम-कानूनों का मुताबिक येको न्याय कैरा।” यां पर यहूदी मुख्यों न वेकू बोलि, “हम मा यू अधिकार नि च कि कैतैं भि मौत की सजा दे सैका।”

यूहन्ना 5:13

पर जु मनखि खूब ह्‍वे गै छौ उ नि जणदु छौ, कि उ कु च। किलैकि वीं जगा पर बिजांम भीड़ छै, इलै यीशु उख बटि चलि गै छौ।

यूहन्ना 9:1

अर जब यीशु अर वेका चेला जाणा छा, तब वेन एक मनखि तैं देखि, जु कि जनम बटि ही अन्धु छौ।

खास चेलों 7:57

अर या बात सुणी के ऊंन अपणा कन्दूड़ बन्द कैरी दिनी अर जोर से चिल्‍लैनि, अर वेतैं जान से मरणु खुणि वे जनै झट गैनी।