यूहन्ना 8:34 - Garhwali

³⁴ यीशु न ऊंतैं जबाब देई, “मि तुम बटि सच्‍चि ही बोन्‍नु छौं, कि जु कुई पाप करदु, उ पाप को ही गुलाम च।

गढवली नयो नियम

³⁴ यीशु ल ऊं तैं जवाब दींनि, मि तुम मा सच-सच बुल्णु छौं कि जु कुई पाप करदो उ पाप का वश मा च।

यूहन्ना 8:34 ပူးပေါင်းရင်းမြစ်များ

मत्ती 5:18

अर मि तुम बटि सच्‍चि बोन्‍नु छौं कि जब तक या धरती अर आसमान च, तब तक परमेस्वर का नियम-कानूनों न खतम नि होण, अर वेमा लिखीं हरेक छुटी से छुटी बात भि पक्‍की तरौं से पूरि होलि।

यूहन्ना 3:3

तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

खास चेलों 8:23

किलैकि मितैं दिखौणु च कि तू तीत जन भौत कड़ु, अर पापों का बन्धनों मा फस्युं छैई।”

रोमियों 6:12

इलै पाप तैं अपणा नास ह्‍वे जाण वळा सरील पर राज नि करण द्‍या, बल्किन मा तुम पिता परमेस्वर कि इच्छा का अधीन मा रा।

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

रोमियों 7:14

हे मेरा भै-बैंणो, हम जणदा छां कि पिता परमेस्वर का नियम-कानून पवित्र छिन, मगर मि एक साधारण सि मनखि छौं, अर पाप का वश मा होण की वजै से मि भि वेको गुलाम छौं।

रोमियों 7:25

पर मि हमरा प्रभु यीशु मसीह का द्‍वारा पिता परमेस्वर को धन्यवाद करदु जैन मितैं छुड़ै। अर मि अपणा मन से पिता परमेस्वर का नियम-कानून को पालन करदु, मगर अब मि क्या कैरुं? किलैकि येका दगड़ा-दगड़ि मि पापों का कब्जा मा भि फस्युं छौं।

रोमियों 8:21

कि अब वा भि विणास कि गुलामी से आजाद ह्‍वेके छुटकारु पालि, अर पिता परमेस्वर की तरफा बटि वेकी औलादों तैं मिलण वळा आदर-सम्मान मा धरती भि सामिल ह्‍वेके बदलि जालि।

इफिसुस 2:2

बल्किन मा वे बगत त तुम ईं दुनियां का मुताबिक अपणा जीवन तैं बुरै का मुताबिक चलौन्दा छा, अर आसमान पर सासन करण वळा शैतान की बातों तैं मणदा छा। अर आसमान पर सासन करणु वळु वु बुरु आत्मा आज भि ऊं लोगु का जीवनों मा काम करदु, जु आज्ञा को पालन नि करदिन।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

2 पतरस 2:19

अरे, यू झूठ्‍ठा लोग खुद त बुगणा छिन, अर दुसरो तैं बचौण की बात कना छिन। किलैकि इन्द्रया लोग त आजादी दिलौण को करार करदिन, जब कि यू खुद बुरै का गुलाम छिन।