यूहन्ना 8:20 - Garhwali

²⁰ अर यीशु न यों सब बातों तैं अपणा उपदेस मा बोलि अर वे बगत उ वीं जगा मा छौ जख मा दान-पेटि रखी रौनदिन, पर तभि भि कैन यीशु तैं नि पकड़ी, किलैकि वेको बगत अभि तक नि ऐ छौ।

गढवली नयो नियम

²⁰ यु बातों तैं वेल यरूशलेम शहर का मन्दिर का चौक मा उपदेश दींण का भंडार घौर मा बोलि, अर कैन वे तैं नि पकड़ी किलैकि ऊंकु दुःख उठांण अर मुरण का बगत अभि तक नि ऐ छो।

यूहन्ना 8:20 ပူးပေါင်းရင်းမြစ်များ

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

मत्ती 27:6

तब मुख्य पुरोहितों न चांदी का ऊं सिक्‍कों तैं उठे अर बोलि, “यों सिक्‍कों तैं मन्दिर की दान-पेटि मा रखण ठिक नि च, किलैकि कै की मौत खुणि येको इस्तेमाल किये गै।”

मरकुस 12:41

अर यीशु मन्दिर मा दान-पेटि का समणि बैठि के दिखणु छौ, कि लोग दान-पेटि मा दान कनकै डलणा छिन। अर भौत सा सेठ लोगु न भौत कुछ डालि।

मरकुस 12:43

तब यीशु न अपणा चेलों तैं अपणा पास बुलै के बोलि, “मि तुम बटि सच्‍चि बोन्‍नु छौं कि जु दान लोग दान-पेटि मा डलणा छिन, ऊंमा बटि सबसे जादा डलण वळी या विधवा च।

लूका 20:19

अर शास्‍त्री अर मुख्य पुरोहित समझि गैनी, कि वेन यू उदारण हम खुणि बोलि, इलै वु यीशु तैं वे बगत ही पकड़ण चाणा छा, मगर ऊंतैं लोगु की डौऽर लगि।

लूका 21:1

अर जब यीशु मन्दिर मा छौ, त वेन सेठ लोगु तैं दान-पेटि मा अपणी-अपणी तरफा बटि दान डलण देखि।

यूहन्ना 10:39

तब ऊंन यीशु तैं फिर से पकड़णे की कोसिस कैरी, पर उ ऊंका हाथ बटि बचि के निकळि गै।

यूहन्ना 2:4

तब यीशु न वींकू बोलि, “हे माँ, मिकू अभि नि बोला की मिन क्या करण, किलैकि अभि मेरु बगत नि ऐ।”

यूहन्ना 7:14

जब त्योवार का अधा दिन बीती गैनी, तब यीशु मन्दिर मा जैके उपदेस देण लगि गै।

यूहन्ना 7:30

यू सुणी के ऊ लोग यीशु तैं पकड़णे की कोसिस करण लगि गैनी, पर कुई भि वेतैं पकड़ी नि पै। किलैकि वेको बगत अभि तक नि ऐ छौ।

यूहन्ना 7:44

तब ऊं लोगु मा बटि कुछ वेतैं पकड़ण चान्दा छा, पर कुई भि वेतैं पकड़ी नि पै।

यूहन्ना 7:8

पर तुम ही त्योवार मा जा, मि नि जाणु। किलैकि अभि तक मेरु बगत नि ऐ।”

यूहन्ना 8:2

रात खुलदि यीशु मन्दिर मा ऐ। तब सभि लोग वेका पास ऐनी अर उ बैठि के ऊंतैं उपदेस देण लगि गै।

यूहन्ना 8:59

तब ऊंन यीशु पर मरणु कू ढुंगा उठैनि, पर यीशु न खुद तैं छिपै अर मन्दिर बटि निकळि गै।