यूहन्ना 8:18 - Garhwali

¹⁸ अर मि अपणी गवै अफि देन्दु छौं, अर जै पिता न मितैं भेजि च, उ भि मेरा बारा मा गवै देन्दु।”

गढवली नयो नियम

¹⁸ एकता मि अफी अपड़ी गव्है दींदु अर हैंको पिता परमेश्वर मेरी गव्है दींदु जैल मि तैं भेजि।

यूहन्ना 8:18 ပူးပေါင်းရင်းမြစ်များ

यूहन्ना 10:11

“अच्छु चरवाह मि छौं। अर अच्छु चरवाह अपणा भेड़ों का बानो अपणी जान भि दे देन्दु।

यूहन्ना 10:14

“अच्छु चरवाह मि छौं। अर जन पिता मितैं जणदु, अर मि पिता तैं जणदु, ठिक उन्‍नि मि भि अपणी भेड़ों तैं जणदु छौ, अर मेरी भेड़ भि मितैं जणदी छिन।

यूहन्ना 10:30

मि अर पिता एक ही छां।”

यूहन्ना 10:9

द्‍वार मि ही छौं अर जु कुई मेरा द्‍वारा भितर परवेस करदु, उ बचयै जालु। अर उ भैर-भितर औणु-जाणु रालु अर वेतैं चारो मिललु।

यूहन्ना 11:25

तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

यूहन्ना 8:25

अर ऊंन वेतैं पूछी, “तू कु छैई?” तब यीशु न ऊंकू बोलि, “मि पैलि बटि जैका बारा मा तुम मा बुल्दी औणु छौं, मि उई छौं।

यूहन्ना 8:38

अर मि त ऊं बातों तैं बोन्‍नु छौं, जु मिन अपणा पिता परमेस्वर का इख दिखिनी। पर तुम त ऊं कामों तैं करद्‍यां, जु तुमुन अपणा बुबा बटि सुणिनी।”

यूहन्ना 8:51

मि तुम बटि सच्‍चि ही बोन्‍नु छौं, कि अगर कुई मेरा वचनों का मुताबिक चलदु, त उ कभि नि मुरलु।”

यूहन्ना 8:58

अर यीशु न ऊंकू बोलि, “मि तुम बटि सच्‍चि बोन्‍नु छौं, कि जब अब्राहम पैदा भि नि ह्‍वे छौ, वेसे पैलि बटि मि छौं।”

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।