यूहन्ना 8:12 - Garhwali

¹² फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

गढवली नयो नियम

¹² तब यीशु ल फिर लुखुं मा बोलि, “दुनिया कु उज्यला मि छौं जु मेरा पिछनै हवे जालो उ अंधेरा मा नि चललो पर उ उज्यला तैं पालो जु अनन्त जीवन दींद।”

यूहन्ना 8:12 ပူးပေါင်းရင်းမြစ်များ

मत्ती 5:14

अर ठिक उन्‍नि तुम ईं दुनियां का उज्याळा छाँ। अर जु नगर पाड़ पर बस्यूं हो, उ कभि छिपी नि सकदु।

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

यूहन्ना 12:35

तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्‍यो किलैकि जु कुई अन्धेरा मा हिटदु, उ नि जणदु कि उ कख जाणु च।

यूहन्ना 12:36

अर जब तक उज्याळु तुमरा दगड़ा मा च, तुम उज्याळा पर बिस्वास कैरा। ताकि तुम उज्याळे की औलाद बणि जा।” अर यों बातों तैं बोन्‍ना का बाद यीशु उख बटि चलि गै, अर ऊं बटि छिप्यूं रै।

यूहन्ना 12:46

अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 3:19

अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

यूहन्ना 9:5

अर जब तक मि दुनियां मा छौं, तबरि तक मि दुनियां को उज्याळु छौं।”

खास चेलों 13:47

किलैकि प्रभु न हमतै इन आज्ञा दिनी जन कि लिख्यूं भि च, “मिन त्वेतै दुसरि जातियों खुणि उज्याळु ठैर्युं च, ताकि तू पूरि धरती का लोगु खुणि बचयै जाण को द्‍वार बणि जा।”

खास चेलों 26:23

अर ऊंन इन बोलि छौ कि मसीह तैं दुख झिलण पोड़लु, अर वु ही पैलु होलु जु कि मुरदो मा बटि ज्यून्द ह्‍वेके हमरा लोगु खुणि अर ऊं लोगु खुणि भि उज्याळु को परचार करलु, जु कि हमरि जाति का नि छिन।”

2 पतरस 2:17

अर यू लोग पाणि का एक सुख्यां धारा का जन छिन, अर यू इन बादळों का जन छिन, जौं मा पाणि नि च। अर आंधी ऊं बादळों तैं उड़ै के लि जान्दी, अर यों लोगु का रौण खुणि एक अन्धेरी जगा च।

2 पतरस 2:4

किलैकि परमेस्वर न पाप करण वळा ऊं स्वर्गदूतों तैं भि नि छोड़ि, बल्किन मा वेन ऊंतैं सजा दिनी। वेन ऊंतैं नरकलोक का सबसे अन्धेरा वळी जगा मा ढोळि दिनी, ताकि न्याय का दिन तक ऊंतैं उख रखै जौ, अर वे दिन पर ऊंतैं दण्ड दिये जौ।

1 यूहन्ना 1:6

अर अगर जु हम इन दावा कैरा कि हम वेका दगड़ा मा साझेदार छां, अर फिर भि हम अन्धेरा मा चलणा रा, त हम झूठ्‍ठ छां अर सच्‍चै का मुताबिक नि चलद्‍यां।

यहूदा 1:13

अर यू लोग त समुन्दर की तेज लैरों का जन छिन, जु कि अपणा सरम का कामों की वजै से केवल गाज ही गाज बणौन्दिन। अर यू त भटक्यां तारों का जन छिन, अर यों लोगु का रौण खुणि एक अन्धेरी जगा च।

यहूदा 1:6

अर मि तुमतै इन भि याद दिलौण चान्दु, कि जौं स्वर्गदूतों न परमेस्वर की आज्ञा को पालन नि कैरी अर अपणी जगा तैं छोड़ि दिनी, पिता परमेस्वर न ऊं स्वर्गदूतों तैं महान न्याय का दिन तक सदनि खुणि बन्धी बणै के अन्धेरा मा रख्युं च।

दिब्य दरस 21:24

अर सब जाति का लोग वे नगर का उज्याळा मा चलला अर धरती का राजा अपणी धन-दौलत मा बटि वेमा लेके आला।