यूहन्ना 7:4 - Garhwali

⁴ किलैकि अगर कुई नौ कमाण चान्दु त अपणा कामों तैं लुकि-छिपी के नि करदु। ठिक उन्‍नि अगर तू भि यों कामों तैं करदी, त अफ तैं दुनियां का लोगु का समणि परगट कैर।”

गढवली नयो नियम

⁴ इलै उ चांदा छा की लोग तुमारा बारा मा जांणा, त त्वे तैं खुला तोर पर सब का संमणी कामों तैं कन चयणु च, जु तु यु काम करदो छै, त अफ तैं जगत मा प्रगट कैर।

यूहन्ना 7:4 ပူးပေါင်းရင်းမြစ်များ

मत्ती 23:5

अर वु पवित्रशास्‍त्र का वचनों तैं चमड़े की चौड़ी पट्‍टियों पर लिखी के अपणा सरील पर बन्धदिन, अर अपणा चोळों का झालरों तैं बड़ु लम्बो करदिन, अर अपणु हरेक काम वु मनखियों तैं दिखाणु खुणि करदिन।

मत्ती 4:6

“अगर तू परमेस्वर को पुत्र छैई, त इख बटि मूड़ी फाल मारी दे, किलैकि पवित्रशास्‍त्र मा लिख्यूं च कि, ‘तेरी हिफाजत करणु खुणि उ अपणा स्वर्गदूतों तैं आज्ञा द्‍यालु, अर ऊ त्वेतै तुरन्त अपणा हाथों मा उठे द्‍याला, ताकि कखि इन नि हो कि तेरा खुटों मा ढुंगे की चोट लगि जौ।’”

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 6:5

“अर जब तुम प्रार्थना करद्‍यां, त ढोंगि लोगु की तरौं नि कर्यां, किलैकि यू लोग दुसरा लोगु तैं दिखाण का बाना प्रार्थना भवनों मा, अर बजारों का कुणों-काणों पर खड़ु ह्‍वेके प्रार्थना करदिन, अर इन करण ऊंतैं अच्छु लगदु। पर मि तुम बटि सच्‍चि बोन्‍नु छौं, कि ऊंतैं यां को इनाम मिली गै।

लूका 6:45

अर उन्‍नि अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु, अर एक बुरु मनखि वेका मन मा जु बुरी बात होनदिन, इलै उ ऊंतैं ही निकळदु। किलैकि जै मनखि का मन मा जन बात भोरी होलि, उई बात वेका गिच्‍चा बटि औन्दिन।”

यूहन्ना 18:20

तब यीशु न वेतैं जबाब देई, “मिन सब लोगु का समणि खुलाआम बात करिनी। अर जख सब यहूदी लोग जमा होनदिन, जन कि प्रार्थना भवनों अर मन्दिर मा भि उपदेस देई। अर मिन लुकि-छिपी के कुछ भि नि बोलि।

यूहन्ना 7:3

इलै यीशु का भैयों न वेकू बोलि, “तू इख बटि निकळि के यहूदिया का मुलक मा चलि जा। किलैकि जु चमत्कारिक कामों तैं तू करदी, ऊंतैं तेरा पिछनै चलण वळा भि देखि सैका।

यूहन्ना 7:5

यीशु का भै भि वे पर बिस्वास नि करदा छा, इलै ऊंन इन्दरि बात बोलि।