यूहन्ना 7:37 - Garhwali

³⁷ तब त्योवार को आखिरी दिन ऐ, जु की खास दिन छौ। फिर यीशु खड़ु ह्‍वे अर ऊँची आवाज मा बुलण लगि गै, “जु कुई तिसळु च, उ मेरा पास अऽ अर पेई ल्यो।

गढवली नयो नियम

³⁷ त्योहार का आखिर दिन जु मुख्य दिन छो यीशु खड़ो हवे गै अर धै लगै के बोलि, जु कुई तिसलो च त मि मा औ अर प्यो।

यूहन्ना 7:37 ပူးပေါင်းရင်းမြစ်များ

मत्ती 11:28

“हे सब मेहनत कैरी-कैरिके थक्यां अर बोझ से दबयां लोगु, मि मू आ, मि तुमतै आराम द्‍यूलु।

मत्ती 3:3

अर यू यूहन्‍ना उई च जैका बारा मा परमेस्वर का रैबर्या यशायाह न बोलि छौ कि, “निर्जन जगा मा एक पुकरण वळे की आवाज औणी च, प्रभु खुणि बाटु तयार कैरा वे खुणि बाटु सैणु कैरा।”

मत्ती 5:6

“धन्य छिन ऊ, जु धरमी जीवन जीणु खुणि भूका अर प्यासा छिन, किलैकि ऊंकी तड़प पूरि किये जालि।

यूहन्ना 1:23

तब यूहन्‍ना न बोलि, “जन परमेस्वर का रैबर्या यशायाह न बोलि छौ कि, “‘मि निर्जन जगा मा पुकरण वळे की एक धै छौं। वेन बोलि छौ, कि प्रभु को बाटु सैणु कैरा।’”

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 4:11

तब जनानि न वेकू बोलि कि, “श्रीमान, तुमरा पास त पाणि निकळणु खुणि कुई भाँडु भि नि च, अर कुआँ गैरु च, त फिर जीवन देण वळु वु पाणि तुमरा पास कख बटि ऐ?

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

यूहन्ना 5:40

फिर भि तुम सदनि को जीवन पौण कू मि मू नि औण चन्द्‍यां।

यूहन्ना 6:35

तब यीशु न ऊंकू बोलि, “जीवन देण वळी रुट्‍टी मि छौं। जु मि मा आलु, उ कभि भूकों नि रालु, अर जु मि पर बिस्वास करलु, उ फिर कभि नि तिसालु।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

यूहन्ना 6:55

किलैकि मेरु बदन त सच्‍चु खाणु च अर मेरु ल्वे सच्‍चि मा पीणे की चीज च।

यूहन्ना 7:28

तब यीशु न मन्दिर मा उपदेस देण का बगत ऊँची आवाज मा बोलि, “तुम जणदा छाँ, कि मि कु छौं अर कख बटि अयूं छौं। पर मि अपणी मरजी से नि अयूं, पर मेरु भेजण वळु सच्‍चु च अर वेतैं तुम नि जणद्‍यां।

1 कुरिन्थि 10:21

हे मेरा भै-बैंणो, जु खाणुक शैतान का दूतों खुणि चड़ये जान्दु, तुम वेमा सामिल नि ह्‍वा, किलैकि इन करण से हम प्रभु यीशु तैं गुस्सा दिलौणा छां। अर क्या हम अपणा प्रभु से जादा ताकतबर छां? इलै तुम सिरफ वे ही कटोरा मा सामिल ह्‍वा, जु कि हमतै प्रभु यीशु की याद दिलान्दु।

1 कुरिन्थि 10:4

अर ऊंन उई पाणि पेई जु कि चमत्कारिक रुप से परमेस्वर न ऊंतैं दे। अर वा चटान खुद यीशु मसीह को उदारण छै, जु कि मनखियों तैं छुटकारा देणु खुणि परमेस्वर का द्‍वारा चुण्यूं च। अर वे बगत मा वु ऊंका दगड़ा मा छौ अर वेन ऊं खुणि सब कुछ कैरी।

1 कुरिन्थि 11:25

अर खाणुक खाण का बाद वेन कटोरा उठे अर बोलि, “यू कटोरा मेरा ल्वे द्‍वारा बणयूं नयू करार को चिन्‍न च, जब भि तुम येतैं पील्या त मेरी याद मा तुम इन्‍नि कना रयां।”

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

इफिसुस 5:18

अर झान्‍झियों की तरौं दारु नि घतौळा, किलैकि यां से जीवन बरबाद ह्‍वे जनदिन, पर तुम पवित्र आत्मा की ताकत से भरपूर होन्दी जा।

दिब्य दरस 21:6

अर वेन मिकू इन भि बोलि, “यू सब बात पूरि ह्‍वे गैनी, मि ही पैलु अर आखिरी छौं, शुरुवात अर आखिरी मि ही छौं। जैतैं तीस लगीं हो वेतैं मि जीवन देण वळा पाणि का छोया मा बटि मुफत मा पिलौलु।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।