यूहन्ना 7:35 - Garhwali

³⁵ तब यहूदी आपस मा बुलण लगि गैनी कि, “यू मनखि कख जाण वळु च, कि यू हमतै नि मिललु? क्या यू ऊं यहूदी लोगु का बीच मा जालु जु तितर-बितर ह्‍वेके रौणा छिन, अर ऊंका बीच मा जैके ऊं लोगु तैं उपदेस द्‍यालु जु यहूदी जाति का नि छिन?

गढवली नयो नियम

³⁵ यहूदियों का अगुवों ल आपस मा, “बोलि यु कख जालो कि हम यु तैं नि पौला? क्य उ, ऊं यहूदी लुखुं का बारा मा बुल्दो छो अर क्य अन्यजाति छा जु इस्राएल भैर बिखरी के रौंदा छा अर यूनानी छा क्य उ तैं भि उपदेश दयालो?

यूहन्ना 7:35 ပူးပေါင်းရင်းမြစ်များ

मत्ती 12:21

देखा अर सुणा, देस-देस का लोग वेका नौ पर अपणी आस बणै के रखला।”

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

यूहन्ना 12:20

अर जु लोग उख त्योवार मा भक्‍ति करणु कू यरूशलेम नगर मा अयां छा, ऊंमा बटि कुछ लोग यहूदी जाति का नि छा।

यूहन्ना 7:1

येका बाद यीशु गलील का मुलक मा घूमणु रै। अर उ यहूदिया का मुलक मा जाण नि चान्दु छौ, किलैकि यहूदी लोगु का मुखिया वेतैं मरणे की फिराक मा छा।

यूहन्ना 8:22

ईं बात पर यहूदियों न आपस मा बोलि, “क्या उ कखि अपणी हत्या त नि करण वळु च? किलैकि वेन बोलि, ‘जख मि जाणु छौं, उख तुम नि ऐ सकद्‍यां।’”

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

खास चेलों 14:1

अर जब पौलुस अर बरनबास इकुनियुम नगर मा पौंछिनी, त यू दुईया का दुई यहूदी लोगु का प्रार्थना भवन मा गैनी, अर इन्द्रयो उपदेस दिनी कि भौत सरा यहूदी अर यूनानी लोगु न प्रभु पर बिस्वास कैरी।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 18:4

अर पौलुस हरेक सब्त का दिन पर प्रार्थना भवन मा जैके यहूदियों अर यूनानी लोगु का दगड़ा मा वाद-विवाद करदु छौ, अर ऊंका मन तैं अपणी तरफा करण की कोसिस करदु छौ।

खास चेलों 21:21

अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।