यूहन्ना 7:30 - Garhwali

³⁰ यू सुणी के ऊ लोग यीशु तैं पकड़णे की कोसिस करण लगि गैनी, पर कुई भि वेतैं पकड़ी नि पै। किलैकि वेको बगत अभि तक नि ऐ छौ।

गढवली नयो नियम

³⁰ यां पर अगुवों ल वे तैं पकड़ण चै तब भि कैल भि वे तैं गिरफ्तार नि कैरी साकी किलैकि वेको मुरण कु ठिक बगत अभि नि ऐ छो।

यूहन्ना 7:30 ပူးပေါင်းရင်းမြစ်များ

मत्ती 12:14

तब फरीसी दल का लोग उख बटि भैर चलि गैनी, अर यीशु तैं जान से मरणु खुणि सला बणौण लगि गैनी।

मत्ती 21:46

अर वु वेतैं पकड़ण चाणा छा, मगर ऊंतैं भीड़ का लोगु से डौऽर लगि, किलैकि लोग वेतैं परमेस्वर को एक रैबर्या मणदा छा।

मरकुस 11:18

अर ईं बात तैं सुणी के मुख्य पुरोहित अर शास्‍त्री लोग वेतैं जान से मरणे की फिराक मा लगि गैनी, मगर यू लोग यीशु से डऽरदा छा, किलैकि लोग वेका उपदेस तैं सुणी के दंग रै जान्दा छा।

लूका 20:19

अर शास्‍त्री अर मुख्य पुरोहित समझि गैनी, कि वेन यू उदारण हम खुणि बोलि, इलै वु यीशु तैं वे बगत ही पकड़ण चाणा छा, मगर ऊंतैं लोगु की डौऽर लगि।

लूका 22:53

जब मि मन्दिर मा हरेक दिन तुमरा दगड़ा छौ, तब तुमुन मितैं नि पकड़ी पर यू बगत तुमरो अर अन्धेरा का अधिकारी शैतान को च।”

यूहन्ना 10:31

तब यहूदियों न फिर से वे पर मरणु कू ढुंगा उठैनि।

यूहन्ना 10:39

तब ऊंन यीशु तैं फिर से पकड़णे की कोसिस कैरी, पर उ ऊंका हाथ बटि बचि के निकळि गै।

यूहन्ना 11:57

अर मुख्य पुरोहितों को अर फरीसी दल का लोगु को इन हुकम निकळ्यों छौ कि, “जैतैं भि इन पता चललु कि यीशु कख च, त उ ऐके हमतै बतै द्‍यो ताकि हम वेतैं पकड़ी सैका।”

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

यूहन्ना 7:32

अर जब फरीसी दल का लोगु न भीड़ का लोगु तैं यीशु का बारा मा खुसुर-पुसुर करद सुणी, तब मुख्य पुरोहितों न अर फरीसियों न यीशु तैं पकड़णु खुणि मन्दिर का सिपै भेजिनि।

यूहन्ना 7:6

तब यीशु न ऊंकू बोलि, “मेरु बगत त अभि तक नि ऐ, पर त्योवार मा जाणु खुणि तुम खुणि हरेक बगत ठिक च।

यूहन्ना 7:8

पर तुम ही त्योवार मा जा, मि नि जाणु। किलैकि अभि तक मेरु बगत नि ऐ।”

यूहन्ना 8:20

अर यीशु न यों सब बातों तैं अपणा उपदेस मा बोलि अर वे बगत उ वीं जगा मा छौ जख मा दान-पेटि रखी रौनदिन, पर तभि भि कैन यीशु तैं नि पकड़ी, किलैकि वेको बगत अभि तक नि ऐ छौ।

यूहन्ना 8:37

अर मि जणदु छौं, कि तुम अब्राहम का वंश मदि छाँ। फिर भि तुम मितैं मरण चाणा छाँ, किलैकि मेरा वचन तैं तुम अपणा मनों मा स्वीकार नि करद्‍यां।

यूहन्ना 8:59

तब ऊंन यीशु पर मरणु कू ढुंगा उठैनि, पर यीशु न खुद तैं छिपै अर मन्दिर बटि निकळि गै।

यूहन्ना 9:4

अर जबरि तक दिन च तबरि तक यू जरुरी च कि हम वेका कामों तैं पूरु कैरी द्‍या जैन मितैं भेजि च, किलैकि देखा, रात होण वळी च तब कुई भि काम नि कैरी सकदु।