यूहन्ना 7:28 - Garhwali

²⁸ तब यीशु न मन्दिर मा उपदेस देण का बगत ऊँची आवाज मा बोलि, “तुम जणदा छाँ, कि मि कु छौं अर कख बटि अयूं छौं। पर मि अपणी मरजी से नि अयूं, पर मेरु भेजण वळु सच्‍चु च अर वेतैं तुम नि जणद्‍यां।

गढवली नयो नियम

²⁸ तब यीशु ल यरूशलेम शहर का मन्दिर मा उपदेश दींण बगत धै लगै के बोलि, तुम जंणदा छा अर यु भि जंणदा छा कि मि कखौ छौं। मि त अफ बट्टी नि अयुं पर मेरा भिजण वलो विश्वासयोग्य च वे तैं तुम नि जंणदा।

यूहन्ना 7:28 ပူးပေါင်းရင်းမြစ်များ

मत्ती 11:27

तब यीशु न लोगु कू इन भि बोलि, “पिता परमेस्वर न सब कुछ मि मा सौंप्याली, अर पिता का अलावा कुई नि जणदु कि पुत्र कु च, अर ना ही पुत्र का अलावा कुई जणदु की पिता कु च, पर केवल पुत्र ही च जै पर उ चान्दु, वे पर वेतैं परगट करदु।”

मत्ती 2:23

अर उख जैके गलील मुलक का नासरत गौं मा बसी गै, ताकि परमेस्वर का रैबर्यों द्‍वारा बुलयूं उ वचन पूरु ह्‍वे जौ जु कि इन च कि, “वे मनखि कू नासरत गौं को बुले जालु।”

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

लूका 10:22

अर मेरा पिता न मि मा सब कुछ सौंप्याली, अर पुत्र का अलावा कुई नि जणदु कि पिता कु च, अर ना ही पिता का अलावा कुई जणदु की पुत्र कु च, पर केवल पुत्र ही च जै पर उ चान्दु, वे पर वेतैं परगट करदु।”

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

लूका 2:39

अर जब मरियम अर यूसुफ न प्रभु का नियम-कानूनों का मुताबिक सब रीति-रिवाजों तैं पूरु कैरी दिनी, तब ऊ फिर से अपणा गौं नासरत कू ऐ गैनी जु कि गलील मुलक मा च।

लूका 2:4

तब यूसुफ भि नौ लिखौणु खुणि गलील मुलक का नासरत नगर बटि निकळि के यहूदिया मुलक का बैतलहम गौं कू गै, जु की राजा दाऊद को नगर छौ। अर यूसुफ नौ लिखौणु खुणि इलै गै, किलैकि वु राजा दाऊद का कुटुम्ब अर वेका वंश मदि छौ।

लूका 2:51

तब उ ऊंका दगड़ा मा नासरत नगर कू वापिस ऐ। अर ऊंकी आज्ञाओं का अधीन मा रै, अर वेकी माँ न यों सब बातों तैं अपणा मन मा रखी।

यूहन्ना 1:46

तब नतनएल न वे बटि बोलि, “कभि, नासरत बटि भि कुछ भलु निकळि सकदु च?” अर फिलिप्पुस न वेकू बोलि, “चल, अर खुद देखि ले।”

यूहन्ना 10:36

अर मितैं पिता न पवित्र ठैरै के दुनियां मा भेजि च। इलै मिन बोलि कि ‘मि परमेस्वर को पुत्र छौं,’ क्या इलै ही तुम बुल्द्‍यां कि, ‘तू परमेस्वर की बुरै कनि छैई?’

यूहन्ना 12:49

किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्‍न, अर क्या-क्या बतौण।

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 14:31

पर यू त इलै होणु च, कि दुनियां का लोग जाणि जा, कि मि पिता से प्यार करदु अर जन पिता न मितैं आज्ञा देई, मि उन्‍नि करदु छौं। “अब उठा, इख बटि चलद्‍यां।”

यूहन्ना 16:3

अर इन ऊ लोग इलै करला, किलैकि ऊंन नऽ त पिता तैं पछ्याणी अर ना ही मितैं।

यूहन्ना 17:25

“हे मेरा धरमी पिता, दुनियां का लोगु न तुमतै नि पछ्याणी, पर मि तुमतै पछ्याणदु छौं। अर यों लोगु न भि जाण्यालि, कि तुमुन ही मितैं भेजि।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

यूहन्ना 5:32

पर मेरा बारा मा गवै देणु खुणि एक और च। अर मि जणदु छौं, कि वेकी गवै मेरा बारा मा सच्‍चि च।

यूहन्ना 5:43

मि त अपणा पिता का नौ से अयूं छौं, पर तुम मितैं स्वीकार नि करद्‍यां। अगर कुई दुसरो तुमरा बीच मा अपणा नौ से आलु त तुम वेतैं स्वीकार करिल्या।

यूहन्ना 6:42

अर ऊंन बोलि, “क्या यू यूसुफ को नौनु यीशु नि च? अरे, हम त येका ब्वे-बबों तैं भि जणदा छां। फिर यू कनकै बोन्‍नु च कि मि स्वर्ग बटि अयूं छौं?”

यूहन्ना 7:14

जब त्योवार का अधा दिन बीती गैनी, तब यीशु मन्दिर मा जैके उपदेस देण लगि गै।

यूहन्ना 8:14

फिर यीशु न ऊंतैं जबाब देई, “हालांकि मि अपणी गवै अफि देन्दु छौं, फिर भि मेरी गवै सच्‍चि च, किलैकि मि जणदु छौं, कि मि कख बटि अयूं अर कख कू जाणु छौं। पर तुम नि जणद्‍यां की मि कख बटि अयूं अर कख कू जाणु छौं।

यूहन्ना 8:16

अगर मि न्याय करलु, त मेरु न्याय सच्‍चु च। किलैकि मि इखुली न्याय नि करदु, बल्किन मा मि अर मेरु पिता, जैन मितैं भेजि उ भि मेरा दगड़ा मा च।

यूहन्ना 8:19

अर ऊंन यीशु तैं पूछी, “तेरु पिता कख च?” तब यीशु न जबाब देई, “नऽ त तुम मितैं जणद्‍यां अर ना ही मेरा पिता तैं। अगर जु तुम मितैं जणदा, त मेरा पिता तैं भि जणदा।”

यूहन्ना 8:26

अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

यूहन्ना 9:29

अर हम जणदा छां कि, परमेस्वर न मूसा का दगड़ा मा बात कैरी, पर हम ये मनखि तैं नि जणद्‍यां, कि यू कख बटि अयूं च।”

खास चेलों 17:23

किलैकि जब मि तुमरा नगर मा घूमणु छौ, त मिन तुमरा पूजा करण वळी चीजों तैं बड़ा ध्यान से देखि अर मिन उख वेदी पर इन लिख्यूं देखि कि, ‘अणजाण ईश्‍वर खुणि।’ इलै जब तुम वे ईश्‍वर की पूजा करद्‍यां जैतैं नि जणद्‍यां, त मि तुमतै वे ही परमेस्वर का बारा मा बतै देन्दु,

रोमियों 1:28

अर जब ऊं लोगु न अपणा मन मा परमेस्वर का ज्ञान तैं रखण खूब नि समझि, त परमेस्वर न भि ऊंतैं ऊंका भ्रष्‍ट मन का हाल पर ही छोड़ दिनी, ताकि वु बुरा काम करण पर ही लग्यां रा।

रोमियों 3:4

ना इन कभि नि ह्‍वे सकदु। सुणा, दुनियां को हरेक मनखि झूठ्‍ठु साबित ह्‍वे सकदु च, मगर पिता परमेस्वर ही च जु कि अपणा वचन को पालन करदु, इलै वेतैं सच्‍चु साबित होण द्‍या। जन कि पवित्रशास्‍त्र मा भि लिख्यूं च अर वा बात इन च कि, “हे मेरा परमेस्वर तुम अपणा मामला मा सच्‍चा छाँ, अर तुम अपणु फैसला बड़ा न्याय से करद्‍यां।”

2 कुरिन्थि 1:18

अर जन परमेस्वर पर बिस्वास किये जै सकदु, ठिक उन्‍नि तुम लोग हम पर भि बिस्वास कैरी सकद्‍यां, किलैकि जब हम “हाँ” बुल्द्‍यां, त वेको मतलब हाँ ही होन्दु, अर जब हम “ना” बुल्द्‍यां त वेको मतलब ना ही होन्दु।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

1 यूहन्ना 5:10

अर जु मनखि परमेस्वर का पुत्र यीशु पर बिस्वास करदु, वेन अपणा दिल मा वीं गवै तैं स्वीकार कैरियाली। अर जु मनखि परमेस्वर पर बिस्वास नि करदु वेन वेतैं झूठ्‍ठु ठैरैयालि, किलैकि वेन परमेस्वर की वीं गवै पर बिस्वास नि कैरी ज्वा वेन अपणा पुत्र का बारा मा दे छै।