यूहन्ना 7:15 - Garhwali

¹⁵ तब यहूदी हैरान ह्‍वेके बुलण लगि गैनी, “यू त कभि शास्‍त्र की पाठसाला मा नि गै, त फिर येतैं इथगा शिक्षा कख बटि मिली?”

गढवली नयो नियम

¹⁵ तब यहूदियों ल चकित हवे के बोलि, यु तैं बगैर पैढ़ी कै परमेश्वर का वचन कु ज्ञान कख बट्टी मिली?

यूहन्ना 7:15 ပူးပေါင်းရင်းမြစ်များ

मत्ती 13:54

अर जब उ अपणा नगर मा ऐ जख उ बड़ु ह्‍वे छौ, तब उ उखा प्रार्थना भवन मा जैके लोगु तैं उपदेस देके सिखौण लगि गै। पर ऊ लोग हकदक ह्‍वेके बोन्‍न लगि गैनी, “अरे, येतैं यू ज्ञान कख बटि मिली गै, अर येतैं चमत्कार करण की ताकत कख बटि मिली होलि?

मत्ती 22:22

अर या बात सुणी के वु हकदक ह्‍वे गैनी, अर यीशु तैं छोड़ि के उख बटि चलि गैनी।

मत्ती 22:33

अर जब लोगु न या बात सुणी, त वेका उपदेस तैं सुणी के दंग रै गैनी।

लूका 2:47

अर जथगा भि वेकी बातों तैं सुनणा छा, ऊ सब वेकी समझ अर वेका जबाबों तैं सुणी के हकदक रै गैनी।

लूका 4:22

अर सभ्यों न वेकी तारीफ कैरी, अर जु भलै की बात वेन बुलिनी, ऊंतैं सुणी के सब लोग हकदक ह्‍वे गैनी। अर ऊ बुलण लगि गैनी, “अरे यू त यूसुफ को नौनु च?”

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 7:11

अर यहूदियों का मुखिया वेतैं त्योवार मा खुज्याण लगि गैनी अर इन भि पूछी, कि “यीशु कख च?”

यूहन्ना 7:13

पर यहूदी मुख्यों का डौऽरा बाना कुई भि वेका बारा मा खुलि के नि बोन्‍नु छौ।

यूहन्ना 7:46

अर मन्दिर का सिपयों न जबाब देई कि, “जन बातों तैं उ मनखि बोन्‍नु छौ, उन्दरि बात त कैन कभि भि नि बुलिनी।”

खास चेलों 26:24

अर जब पौलुस अपणा बचाव मा यों बातों तैं बोन्‍नु छौ, कि तबरि तक गवर्नर फेस्तुस न चिल्‍लै के बोलि, “हे पौलुस, तेरु दिमाग खराब ह्‍वे गै, जादा पैढी-लिखी के तू बौल्या ह्‍वे गै।”

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।