यूहन्ना 6:51 - Garhwali

⁵¹ अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

गढवली नयो नियम

⁵¹ जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।

यूहन्ना 6:51 ပူးပေါင်းရင်းမြစ်များ

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

लूका 22:19

अर फिर वेन रुट्‍टी उठे अर परमेस्वर को धन्यवाद कैरी। अर रुट्‍टी का टुकड़ा कैरिके ऊंतैं देई अर बोलि, “यू मेरु बदन च, जु मि तुमरा बानो देन्दु छौं मितैं याद करणु खुणि इन्‍नि कना रयां।”

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 11:26

अर जु कुई ज्यून्दा छिन अर मि पर बिस्वास करदिन, ऊ कभि नि मुरला। क्या तू ईं बात पर बिस्वास करदी?”

यूहन्ना 3:13

अर कुई भि स्वर्ग मा नि गै पर केवल उई स्वर्ग मा गै जु कि स्वर्ग बटि ऐ, याने कि मनखि को पुत्र।

यूहन्ना 3:14

अर जै ढंग से मूसा न निर्जन जगा मा पितळा का गुरौ तैं ऊँचा पर चड़ै छौ, ठिक उन्‍नि जरुरी च कि मनखि का पुत्र तैं भि ऊँचा पर चड़ै जौ।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 6:33

किलैकि परमेस्वर का द्‍वारा दिईं रुट्‍टी वा च, जु स्वर्ग बटि उतरि के दुनियां का लोगु तैं जीवन देन्दी।”

यूहन्ना 6:35

तब यीशु न ऊंकू बोलि, “जीवन देण वळी रुट्‍टी मि छौं। जु मि मा आलु, उ कभि भूकों नि रालु, अर जु मि पर बिस्वास करलु, उ फिर कभि नि तिसालु।

यूहन्ना 6:41

तब यहूदी लोग यीशु पर कुड़कुड़ौण लगि गैनी, किलैकि वेन इन बोलि, “ज्वा रुट्‍टी स्वर्ग बटि उतरि, वा मि छौं।”

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।

यूहन्ना 6:48

किलैकि जीवन देण वळी रुट्‍टी मि छौं।

यूहन्ना 6:50

पर या वा रुट्‍टी च ज्वा स्वर्ग बटि अईं च, ताकि जु कुई वामा बटि खौऽ, उ कभि नि मुरलु।

यूहन्ना 7:38

अर जु मि पर बिस्वास करदिन, जन कि पवित्रशास्‍त्र मा लिख्यूं च, उन्‍नि ऊंका मनों बटि भि जीवन देण वळा पाणि का गाड-गदिना बुगण लगि जाला।”

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

इफिसुस 5:25

हे मेरा भैयों मि तुमतै बतै देन्दु कि तुम अपणी-अपणी घरवळी से प्यार कैरा, हाँ ठिक उन्‍नि प्यार जन यीशु मसीह न बिस्वासी समुदाय का लोगु से कैरी अर बलिदान का रुप मा खुद तैं दे दिनी।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

1 पतरस 2:4

अर प्रभु यीशु ज्यून्द ढुंगो च, जैतैं मनखियों न नकारी कैरी, मगर पिता परमेस्वर न वेतैं चुणी अर वे खुणि उ भौत जादा कीमती च। अर जब तुम वे ज्यून्दा ढुंगा का पास औन्द्‍यां,

1 यूहन्ना 2:2

अर याद रखा की यीशु मसीह न अपणी इच्छा से हम खुणि अपणु बलिदान देई, ताकि वेका द्‍वारा पिता परमेस्वर हमरा पापों तैं माफ कैर द्‍यो, अर बस हमरा ही पापों तैं ना, बल्किन मा सरी दुनियां का लोगु का पापों तैं भि माफ कैरो।

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।