यूहन्ना 6:50 - Garhwali

⁵⁰ पर या वा रुट्‍टी च ज्वा स्वर्ग बटि अईं च, ताकि जु कुई वामा बटि खौऽ, उ कभि नि मुरलु।

गढवली नयो नियम

⁵⁰ य व रुट्टि च ज्वा स्वर्ग बट्टी उतरदी इलै की मनिख वामा बट्टी खौ अर नि मोरू।

यूहन्ना 6:50 ပူးပေါင်းရင်းမြစ်များ

यूहन्ना 3:13

अर कुई भि स्वर्ग मा नि गै पर केवल उई स्वर्ग मा गै जु कि स्वर्ग बटि ऐ, याने कि मनखि को पुत्र।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 6:33

किलैकि परमेस्वर का द्‍वारा दिईं रुट्‍टी वा च, जु स्वर्ग बटि उतरि के दुनियां का लोगु तैं जीवन देन्दी।”

यूहन्ना 6:42

अर ऊंन बोलि, “क्या यू यूसुफ को नौनु यीशु नि च? अरे, हम त येका ब्वे-बबों तैं भि जणदा छां। फिर यू कनकै बोन्‍नु च कि मि स्वर्ग बटि अयूं छौं?”

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

यूहन्ना 6:58

अर या वा रुट्‍टी च, ज्वा स्वर्ग बटि अईं च। अर या वीं रुट्‍टी का जन नि च, जींतैं तुमरा पितरों न खै फिर भि मोरि गैनी, पर जु कुई स्वर्ग बटि अईं ईं रुट्‍टी तैं खालु उ सदनि ज्यून्दु रालु।”

यूहन्ना 8:51

मि तुम बटि सच्‍चि ही बोन्‍नु छौं, कि अगर कुई मेरा वचनों का मुताबिक चलदु, त उ कभि नि मुरलु।”

रोमियों 8:10

अर अगर जु यीशु मसीह को सभौ तुम मा वास करदु, अब चै तुमरो सरील पाप की वजै से मोरि भि किलै नि जौ, फिर भि पवित्र आत्मा तुमतै सदनि को जीवन द्‍यालु, किलैकि तुमुन बिस्वास कैरी अर पिता परमेस्वर की नजर मा धरमी ठैरि ग्यां।