यूहन्ना 6:39 - Garhwali

³⁹ अर मेरा भेजण वळे की मनसा या च, कि जु कुछ भि वेन मितैं सौंपी, मि वामा बटि कुछ भि नि हरचौं, बल्किन वेतैं आखिरी का दिन मा ज्यून्दु कैरी द्‍यूं।

गढवली नयो नियम

³⁹ अर मेरा भिजण वला कि मनसा या च कि जु कुछ वेल मि तैं दे वां बट्टी मि कुछ नि हरचौं पर वे तैं आखरी दिन फिर ज्यूँदो उठालो।

यूहन्ना 6:39 ပူးပေါင်းရင်းမြစ်များ

मत्ती 10:15

अर मि तुमतै सच्‍चि मा बतै देन्दु, कि जन हालत सदोम अर अमोरा की खराब ह्‍वे छै, वे नगर की हालत वेसे भि खतरनाक खराब होलि।”

मत्ती 18:14

अर ठिक इन्‍नि तुमरा स्वर्ग मा रौण वळा पिता की मनसा च, कि यों छुटो मा बटि कै एक को भि नास नि हो।”

लूका 12:32

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

यूहन्ना 12:48

अर जु कुई मितैं सुद्‍दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली।

यूहन्ना 17:12

जबरि तक मि ऊंका दगड़ा मा छौ, तबरि तक मिन तुमरा वे नौ की शक्‍ति से, जु नौ तुमुन मितैं देई ऊंकी देख-रेख अर हिफाजत कैरी। इलै ऊं मदि कै को भि नास नि ह्‍वे, पर बस वे एक ही मनखि विणास ह्‍वे, जैन विणास को बाटु चुणी ताकि पवित्रशास्‍त्र मा जु लिख्यूं छौ उ पूरु ह्‍वे जौ।

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

यूहन्ना 17:6

अर यीशु न इन भि प्रार्थना कैरी, “हे पिता, तुमुन ईं दुनियां मा बटि जु लोग मितैं दियां छिन, ऊंतैं मिन तुमरा बारा मा बतैयालि। अर ऊ लोग तुमरा ही छा, अर तुमुन ही ऊंतैं मि मा सौंपी। अर ऊंन तुमरा वचन तैं माणियालि।

यूहन्ना 17:9

“अर अभि मि दुनियां का लोगु कू ना, पर ऊं चेलों खुणि ही जु तुमुन मि मा सौंप्यां छिन, ऊं खुणि ही प्रार्थना कनु छौं। किलैकि वु तुमरा ही छिन।

यूहन्ना 18:9

अर यू सब इलै ह्‍वे ताकि उ वचन पूरु हो, जु यीशु न एक बार बोलि छौ। अर वु इन च कि, “जु लोग तुमुन मि मा सौंप्यां छिन, ऊंमा बटि मिन एक तैं भि नि हरचै।”

यूहन्ना 5:28

“ईं बात पर ताजुब नि कैरा, किलैकि अब उ बगत औण वळु च, कि जथगा भि लोग मोरि गैनी, ऊ सब वेकी आवाज तैं सुणी के मौत मा बटि ज्यून्दा ह्‍वे जाला।

यूहन्ना 6:37

अर पिता न जु लोग मि मा सौंप्यां छिन, उ सभि मि मा आला। अर जु कुई भि मि मा आला, ऊंतैं मि कभि नि निकळळु।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

यूहन्ना 6:44

मेरा पिता न मितैं भेज्यूं च अर उई लोगु तैं मि मा लेके औन्दु। जबरि तक उ लेके नि अऽ, तबरि तक कुई मि मा नि ऐ सकदु। अर जौं लोगु तैं उ मि मा लेके औन्दु, ऊंतैं मि आखिरी का दिन मा फिर से ज्यून्दु कैरी द्‍यूलु।

यूहन्ना 6:54

इलै जु कुई मेरु बदन तैं खालु अर मेरु ल्वे तैं प्यालु, त सदनि को जीवन वेकू च, अर मि वेतैं आखिरी का दिन मा फिर से ज्यून्दु कैरी द्‍यूलु।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

1 कुरिन्थि 6:14

अर जन पिता परमेस्वर न प्रभु यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि अपणी सामर्थ से मुरदो मा बटि ज्यून्द करलु।

2 तीमुथियुस 2:19

तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

याकूब 5:15

अर बिस्वास से करीं प्रार्थना का द्‍वारा उ बिमार मनखि खूब ह्‍वे जालु, अर प्रभु वेतैं खड़ु उठालु। अर अगर वेन पाप भि कैरी होला, त ऊ भि माफ किये जाला।

1 पतरस 1:5

अर तुमरा बिस्वास करण का खातिर ही परमेस्वर अपणी ताकत से तुमरि हिफाजत कनु च, ताकि न्याय को दिन जु कि परगट होण वळु च वेमा उ तुमतै बचै सैको।

यहूदा 1:1

हे मेरा भै-बैंणो मि यहूदा छौं, अर मि यीशु मसीह को सेवक अर याकूब को भै छौं। मि या चिठ्‍ठी तुम लोगु खुणि लिखणु छौं जौं तैं पिता परमेस्वर न बुलै, किलैकि पिता परमेस्वर तुम लोगु से भौत प्यार करदु। अर वेन तुम सभ्यों तैं यीशु मसीह की हिफाजत मा रख्युं च।