यूहन्ना 6:33 - Garhwali

³³ किलैकि परमेस्वर का द्‍वारा दिईं रुट्‍टी वा च, जु स्वर्ग बटि उतरि के दुनियां का लोगु तैं जीवन देन्दी।”

गढवली नयो नियम

³³ किलैकि परमेश्वर की रुट्टि उ ही च जु स्वर्ग बट्टी उतरी के दुनिया का लुखुं तैं जीवन दींद।

यूहन्ना 6:33 ပူးပေါင်းရင်းမြစ်များ

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

यूहन्ना 16:28

हाँ, मि पिता परमेस्वर की तरफा बटि इख अयूं छौं, अर अब ईं दुनियां तैं छोड़ि के पिता मा जाणु छौं।”

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 3:13

अर कुई भि स्वर्ग मा नि गै पर केवल उई स्वर्ग मा गै जु कि स्वर्ग बटि ऐ, याने कि मनखि को पुत्र।

यूहन्ना 6:32

तब यीशु न ऊंकू बोलि, “मि तुम बटि सच्‍चि ही बोन्‍नु छौं, कि वा रुट्‍टी स्वर्ग बटि तुमतै मूसा न नि देई, बल्किन मा मेरु पिता ही तुमतै स्वर्ग बटि सच्‍चि रुट्‍टी देन्दु च।

यूहन्ना 6:38

किलैकि मि अपणी इच्छा तैं ना, बल्किन अपणा भेजण वळे की मनसा तैं पूरि करणु खुणि स्वर्ग बटि उतरयुं छौं।

यूहन्ना 6:41

तब यहूदी लोग यीशु पर कुड़कुड़ौण लगि गैनी, किलैकि वेन इन बोलि, “ज्वा रुट्‍टी स्वर्ग बटि उतरि, वा मि छौं।”

यूहन्ना 6:48

किलैकि जीवन देण वळी रुट्‍टी मि छौं।

यूहन्ना 6:50

पर या वा रुट्‍टी च ज्वा स्वर्ग बटि अईं च, ताकि जु कुई वामा बटि खौऽ, उ कभि नि मुरलु।

यूहन्ना 6:58

अर या वा रुट्‍टी च, ज्वा स्वर्ग बटि अईं च। अर या वीं रुट्‍टी का जन नि च, जींतैं तुमरा पितरों न खै फिर भि मोरि गैनी, पर जु कुई स्वर्ग बटि अईं ईं रुट्‍टी तैं खालु उ सदनि ज्यून्दु रालु।”

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।