यूहन्ना 6:14 - Garhwali

¹⁴ तब यीशु का ये चमत्कार तैं देखि के ऊ लोग बुलण लगि गैनी, “सच्‍चि मा यू त परमेस्वर को उई रैबर्या च, जु कि ईं दुनियां मा औण वळु छौ।”

गढवली नयो नियम

¹⁴ तब जु चमत्कार यीशु ल कैरी के दिखै वे तैं उ लोग देखि के बुल्ण लगि गैनी उ परमेश्वर का तरपां बट्टी बुल्ण वलो जु दुनिया मा औंण वलो छो पक्को यूई च।

यूहन्ना 6:14 ပူးပေါင်းရင်းမြစ်များ

मत्ती 11:3

“क्या तुम उई मसीह छाँ जु औण वळु छौ, या हम कै दुसरो को इंतजार कैरा?”

मत्ती 21:11

अर भीड़ का लोगु न बोलि, “अरे यू गलील मुलक का नासरत गौं को रैबर्या यीशु च।”

लूका 24:19

तब वेन ऊं बटि पूछी, “अरे क्या-क्या बात ह्‍वे?” ऊंन वेकू बोलि, “अरे या बात नासरत गौं का यीशु की च अर वु परमेस्वर को एक रैबर्या छौ। जु की परमेस्वर अर सब लोगु का समणि वचन देण मा, अर हरेक किसम का कामों तैं करण मा ताकतबर छौ।

लूका 7:16

अर यू देखि के सब लोग डौऽरी गैनी, अर परमेस्वर की बडै कैरिके बोन्‍न लगि गैनी कि, “हमरा बीच मा परमेस्वर को एक बड़ु रैबर्या ऐ गै, अर परमेस्वर अपणा लोगु की मदद करण खुणि ऐ गै।”

यूहन्ना 1:21

तब ऊं लोगु न वे बटि पूछी, “त क्या तुम एलिय्याह छाँ?” वेन बोलि, “ना।” “त क्या तुम उ रैबर्या छाँ? जु औण वळु च,” तब वेन बोलि, “मि नि छौं।”

यूहन्ना 11:27

तब वींन वेकू बोलि, “हाँ प्रभु, मि बिस्वास करदी छौं, कि परमेस्वर को पुत्र मसीह जु की ईं दुनियां मा औण वळु छौ, उ तुम ही छाँ।”

यूहन्ना 2:11

अर यीशु न गलील का काना गौं मा अपणु पैलु चमत्कार कैरिके अपणी महानता दिखै। अर वेका चेलों न वे पर बिस्वास कैरी।

यूहन्ना 4:19

तब जनानि न वे बटि बोलि, “श्रीमान, मितैं लगदु की तुम एक रैबर्या छाँ।

यूहन्ना 4:25

तब जनानि न वेकू बोलि, “श्रीमान, मि जणदी छौं कि मसीह, जैकू ख्रीष्‍ट बुल्दिन, औण वळु च। जब उ आलु त हमतै सब कुछ बतै द्‍यालु।”

यूहन्ना 4:42

तब ऊ लोग वीं जनानि बटि बुलण लगि गैनी, “अब हम तेरा बुलयां पर ही बिस्वास नि करद्‍यां, किलैकि हमुन अफि सुण्यालि, अर यू भि जाण्यालि कि सच्‍चि मा यूई मनखि दुनियां तैं छुटकारा देण वळु च।”

यूहन्ना 6:2

तब भौत बड़ी भीड़ वेका पिछनै चलण लगि गै, किलैकि जै चमत्कारिक रुप बटि उ बिमारों तैं खूब करदु छौ, ऊंन ऊ देखि छा।

यूहन्ना 6:26

तब यीशु न ऊंतैं जबाब देई, “मि तुम बटि सच्‍चि ही बोन्‍नु छौं, तुम मितैं इलै नि खुज्याणा छाँ कि तुमुन चमत्कार का काम दिखिनी, पर इलै किलैकि तुमुन रुट्‍टी खै के अपणी भूक मिटै।

यूहन्ना 6:30

तब ऊंन वेकू बोलि, “तुम हमतै कु जि अदभुत चिन्‍न दिखैल्या, कि हम वेतैं देखि के तुम पर बिस्वास कैरा?

यूहन्ना 7:40

तब यों बातों तैं सुणी के भीड़ मदि कुछ लोग बुलण लगि गैनी कि, “सच्‍चि मा यू ही परमेस्वर को उ रैबर्या च।”

खास चेलों 7:37

अर यू उई च जैन इस्राएल का लोगु कू बोलि छौ कि, ‘परमेस्वर तुम लोगु का बीच मा बटि मि जन एक रैबर्या तैं चुणी के तुम खुणि खड़ु करलु।’