यूहन्ना 6:11 - Garhwali

¹¹ तब यीशु न रुट्‍टी लेके पिता परमेस्वर को धन्यवाद देई, अर उख बैठयां लोगु मा बांटि दिनी। फिर ठिक उन्‍नि वेन माछों तैं भि लेई अर उन्‍नि कैरी, अर जथगा ऊ चान्दा छा, उथगा ऊंतैं देई।

गढवली नयो नियम

¹¹ तब यीशु ल रुट्टियुं तैं पकड़ी अर धन्यवाद कैरी के बैठण वलो तैं बांटि दींनि अर उन ही माछों मा बट्टी जथग उ चांदा छा बांटि दींनि।

यूहन्ना 6:11 ပူးပေါင်းရင်းမြစ်များ

मत्ती 15:36

तब वेन सात रुट्‍टी अर माछों तैं ले, अर परमेस्वर को धन्यवाद देके ऊंतैं तोड़ि, अर अपणा चेलों तैं देणु रै अर वु भीड़ का लोगु मा बंटणा रैनी।

लूका 24:30

अर जब उ ऊंका दगड़ा खाणुक खाणु कू बैठि, त वेन रुट्‍टी उठे के परमेस्वर को धन्यवाद कैरी अर रुट्‍टी का टुकड़ा कैरिके वेन ऊंतैं दे।

यूहन्ना 21:10

तब यीशु न ऊंकू बोलि, “जु माछा तुमुन अभि पकड़िनी, ऊंमा बटि कुछ लेके आ।”

यूहन्ना 21:13

तब यीशु न ऐके रुट्‍टी लेई अर ऊंतैं देई, अर वेका बाद उन्‍नि ऊंतैं माछा भि दिनी।

यूहन्ना 21:9

फिर जब ऊ छाला पर उतरिनी त ऊंन देखि, कि अंगार सुलग्यां अर वेमा माछा रख्यां छिन, अर वेका नजदीक ही रुट्‍टी भि च।

यूहन्ना 6:23

(तब तिबिरियास नगर बटि कुछ दुसरि नाव वीं जगा का नजदीक ऐनी, जख ऊंतैं प्रभु यीशु न पिता परमेस्वर को धन्यवाद देण का बाद रुट्‍टी खिलै छै)।

यूहन्ना 6:9

“गुरुजी, इख एक नौनु च, जैमा जौ की पांच रुट्‍टी अर दुई माछा छिन, पर इथगा मा यों लोगु खुणि क्या होण?”

खास चेलों 27:35

अर इन बोलि के वेन रुट्‍टी लेई अर सभ्यों का समणि परमेस्वर को धन्यवाद कैरी अर वीं रुट्‍टी का टुकड़ा कैरिके खाण लगि गै।

रोमियों 14:6

कि जु मनखि एक दिन तैं कै दुसरा दिन से जादा खास मणदु, उ परमेस्वर खुणि ही इन करदु। अर जु मनखि सब किसम को खाणुक खान्दु, त उ भि पिता परमेस्वर खुणि ही इन करदु, अर वेका दगड़ा-दगड़ि धन्यवाद देन्दु। अर जु मनखि सब किसम को खाणुक नि खान्दु उ भि परमेस्वर खुणि इन करदु, अर परमेस्वर को धन्यवाद देन्दु।

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

1 थिस्सलुनीकी 5:18

अर हर दसा मा परमेस्वर को धन्यवाद द्‍या, किलैकि तुम यीशु मसीह का छाँ इलै परमेस्वर की मनसा या ही च।