यूहन्ना 5:46 - Garhwali

⁴⁶ अगर तुम सच्‍चि मा मूसा पर बिस्वास करद्‍यां, त मि पर भि बिस्वास करदा। किलैकि वेन मेरा बारा मा अपणी किताबों मा लिख्यूं च।

गढवली नयो नियम

⁴⁶ जु तुम मूसा पर विश्वास करद्यां, त मि पर भि विश्वास करद्यां, इलै की वेल मेरा बारा मा परमेश्वर का वचन का लेखों मा लिख्युं च।

यूहन्ना 5:46 ပူးပေါင်းရင်းမြစ်များ

लूका 24:27

तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”

यूहन्ना 5:47

पर जब तुम वेकी लिखीं ही बातों पर बिस्वास नि करद्‍यां, त फिर मेरी बातों पर कनकै बिस्वास करिल्या?”

खास चेलों 26:22

मगर साब, परमेस्वर की मदद से ही मि ज्यून्दु छौ, अर आज इख सब छुटा-बड़ा लोगु का समणि गवै देन्दु। अर होण वळी बातों का बारा मा परमेस्वर का रैबर्या मूसा न अर दुसरा रैबर्यों न जन बोलि छौ, ऊं बातों का अलावा मि और कुछ नि बुल्दु,

रोमियों 10:4

अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

गलातियों 2:19

अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।