यूहन्ना 5:35 - Garhwali

³⁵ अर यूहन्‍ना त तुम लोगु का बीच मा जळदु अर चमकदु द्‍यू जन छौ, अर वेका उज्याळा मा कुछ बगत तक तुमतै मगन होण अच्छु लगि।

गढवली नयो नियम

³⁵ यूहन्ना एक दिवडा का जन च जु जलद अर चमकदु छो अर तुम तैं कुछ देर तक वेका उज्यला मा मगन हूंण अच्छो लगि।

यूहन्ना 5:35 ပူးပေါင်းရင်းမြစ်များ

मत्ती 11:11

“अर मि तुम बटि सच्‍च बोन्‍नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्‍ना से महान कुई नि च। पर जु परमेस्वर का राज मा सबसे छुटो च, उ यूहन्‍ना से भि महान च।”

मत्ती 21:26

अर अगर जु हम इन बुल्द्‍यां, ‘मनखियों की तरफा बटि,’ त हम कू भीड़ की डौऽर च, किलैकि यू सब यूहन्‍ना तैं परमेस्वर को एक रैबर्या मणदिन।”

मरकुस 1:5

तब पूरा यहूदिया मुलक अर यरूशलेम नगर का सब रौण वळा लोग वेका पास ऐनी, अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा लिनी।

मरकुस 6:20

अर हेरोदेस अन्तिपास यूहन्‍ना बटि डऽरदु छौ किलैकि उ जणदु छौ, कि वु एक धरमी अर पवित्र मनखि च, इलै वु यूहन्‍ना की हिफाजत भि करदु छौ, अर वेकी बातों तैं सुणी के भौत उळझण मा पोड़ि जान्दु छौ, मगर फिर भि राजा वेकी बातों तैं खुशी से सुणदु छौ।

लूका 7:28

“अर मि तुम बटि बोन्‍नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्‍ना से महान कुई नि च। पर जु परमेस्वर का राज मा सबसे छुटो च, उ यूहन्‍ना से भि महान च।”

यूहन्ना 6:66

अर ईं बात का बाना वेका पिछनै चलण वळो मा बटि भौत सरा वापिस लौटी गैनी, अर वेका बाद ऊ फिर कभि वेका पिछनै नि गैनी।

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।