यूहन्ना 5:34 - Garhwali

³⁴ पर मितैं अपणा बारा मा मनखियों की तरफा बटि गवै की कुई जरुरत नि च। फिर भि मि या बात इलै बतौणु छौं, ताकि तुमतै बचयै जौ।

गढवली नयो नियम

³⁴ पर मि अपड़ा बारा मा मनिख कि गव्है नि चांदु फिर भि मिल तुम तैं व गव्है का बारा मा बतयूं च जु यूहन्ना ल दे छैं कि तुम उद्धार पै साका।

यूहन्ना 5:34 ပူးပေါင်းရင်းမြစ်များ

लूका 13:34

तब वेन इन बोलि, “हे यरूशलेम का लोगु, तुम जु रैबर्यों तैं मारी देन्द्‍यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन कथगा ही दौं इन चै कि जन कुखडि अपणा बच्‍चों तैं अपणा फाँकुड़ो का तौळ इकट्‍ठा कैरिके रखदी, ठिक उन्‍नि मि भि तुमतै इकट्‍ठा कैरुं, पर तुम लोगु न इन नि चै।

लूका 19:10

किलैकि मनखि को पुत्र हरच्यां लोगु तैं खुजै के बचौणु खुणि ही अयूं च।”

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

यूहन्ना 20:31

पर जु कुछ भि यां मा लिख्यूं च उ इलै लिख्यूं च, ताकि तुम बिस्वास कैरी सैका, कि यीशु ही परमेस्वर को पुत्र मसीह च। अर ईं बात पर बिस्वास कैरिके तुम वेका नौ से सदनि को जीवन पै सैका।

यूहन्ना 5:32

पर मेरा बारा मा गवै देणु खुणि एक और च। अर मि जणदु छौं, कि वेकी गवै मेरा बारा मा सच्‍चि च।

यूहन्ना 5:41

“मि मनखियों बटि आदर-सम्मान नि चान्दु।

यूहन्ना 8:54

तब यीशु न जबाब देई, “अगर मि अपणी बडै अफि कैरुं, त मेरी बडै को कुई मतलब नि च। पर मेरी बडै करण वळु त मेरु पिता च, जैतैं तुम अपणु परमेस्वर मणद्‍यां।

रोमियों 10:1

हे मेरा भै-बैंणो, मेरी मनसा इन च कि सब यहूदी लोग बचयै जा, अर पिता परमेस्वर बटि मि ऊं खुणि या ही प्रार्थना करदु।

रोमियों 10:21

मगर इस्राएली लोगु का बारा मा पिता परमेस्वर इन बुल्दु कि, “मि पूरा दिन-भर ऊं लोगु तैं स्वीकार करणु खुणि तयार रौंऽऽ, जु कि मेरी आज्ञा को पालन नि करदिन, अर निठुर मन का छिन।”

रोमियों 12:21

अर बुरै का समणि खुद कि हार नि माणा, बल्किन मा भलै का द्‍वारा बुरै पर जीत हासिल कैरा।

रोमियों 3:3

अर अगर यहूदी लोगु मा बटि कुई मनखि बिस्वास नि करलु, त क्या पिता परमेस्वर की सच्‍चै बेकार साबित ह्‍वे गै?

1 कुरिन्थि 9:22

अर जब ऊं लोगु का बीच मा छौ जु कि बिस्वास मा कमजोर छिन त मि ऊंका जन ही बणि ग्यों, ताकि वु बिस्वास मा और मजबूत ह्‍वे सैका। अर यों सब बातों को मतलब यू च कि मि सब किसम का लोगु खुणि सब कुछ बणि ग्यों, ताकि कनि ना कनि के मि लोगु तैं यीशु मसीह का पास लेके ऐ सैकु, अर वु वीं सजा से बचि जा जु की पाप करण की वजै से मिलदी।

1 तीमुथियुस 4:16

हाँ, तू इन्‍नि कनु रै, किलैकि इन कैरिके तू खुद तैं अर सुनण वळो तैं बचै दिली।

1 यूहन्ना 5:9

अर हम ईं दुनियां का लोगु कि गवै तैं स्वीकार कैरी देन्द्‍यां, अगर जु हम लोगु की गवै स्वीकार करद्‍यां त जरा सोचा, पिता परमेस्वर की गवै ऊं बातों से कथगा महान होलि। अर वेकी गवै इन च कि वेन खुद अपणा पुत्र का बारा मा गवै दिनी।