यूहन्ना 5:23 - Garhwali

²³ किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

गढवली नयो नियम

²³ पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

यूहन्ना 5:23 ပူးပေါင်းရင်းမြစ်များ

मत्ती 10:37

“अगर कुई मनखि अपणा ब्वे-बाब तैं मिसे जादा प्यार करदु, त वु मेरु चेला होण का लैख नि च। अर ठिक उन्‍नि अगर कुई अपणा नौना या नौनि तैं मिसे जादा प्यार करदु, त उ भि मेरु चेला होण का लैख नि च।

मत्ती 11:27

तब यीशु न लोगु कू इन भि बोलि, “पिता परमेस्वर न सब कुछ मि मा सौंप्याली, अर पिता का अलावा कुई नि जणदु कि पुत्र कु च, अर ना ही पुत्र का अलावा कुई जणदु की पिता कु च, पर केवल पुत्र ही च जै पर उ चान्दु, वे पर वेतैं परगट करदु।”

मत्ती 12:21

देखा अर सुणा, देस-देस का लोग वेका नौ पर अपणी आस बणै के रखला।”

मत्ती 15:8

“‘केवल गिच्‍चळ ही यू लोग मेरु आदर-समान करदिन, मगर यों को मन मिसे भौत दूर च।

मत्ती 28:19

इलै तुम जा, अर सब जाति का लोगु तैं चेला बणा, अर ऊंतैं पिता, पुत्र अर पवित्र आत्मा का नौ से बपतिस्मा द्‍या,

लूका 10:16

तब वेन अपणा चेलों कू बोलि, “जु तुमरि शिक्षा तैं सुणदु उ मेरी शिक्षा तैं सुणदु। अर जु तुमतै स्वीकार नि करदु, उ मितैं भि स्वीकार नि करदु। अर जु मितैं स्वीकार नि करदु, उ वेतैं स्वीकार नि करदु जैन मितैं भेजि च।”

यूहन्ना 14:1

अर यीशु न अपणा चेलों कू फिर से बोलि, “तुम अपणा मन मा नि घबरा, पर परमेस्वर पर बिस्वास कैरा अर मि पर भि बिस्वास कैरा।

यूहन्ना 16:14

अर उ बतै द्‍यालु की मि कथगा महान छौं, किलैकि जु कुछ भि मिन वेतैं बतै वु तुमतै उन्‍नि बतालु।

यूहन्ना 17:10

अर जु कुछ भि मेरु च, उ सब तुमरो ही च। अर जु तुमरो च, उ मेरु भि च। अर ऊं ही चेलों द्‍वारा मेरी महानता का बारा मा पता चलदु।

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

रोमियों 15:12

अर फिर परमेस्वर का रैबर्या यशायाह न भि यीशु मसीह का बारा मा कुछ इन बोलि कि, “यिशै का वंश मदि एक नयू राजा आलु, जु कि जाति-जाति का लोग पर राज करलु, अर लोग वे पर अपणी आस बणै के रखला।”

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

रोमियों 8:9

पर अगर जु पिता परमेस्वर को पवित्र आत्मा सच्‍चि मा तुम मा वास करदु, त ईं बात तैं जाणि ल्या, कि तुम लोग ईं दुनियां मा पाप का वस मा नि छाँ, बल्किन तुम मा पवित्र आत्मा को वास च। अर जै मनखि मा प्रभु यीशु को पवित्र आत्मा वास नि करदु, वु मनखि यीशु मसीह को नि ह्‍वे सकदु।

1 कुरिन्थि 1:3

हमरा पिता परमेस्वर अर प्रभु यीशु मसीह की तरफा बटि तुम सभ्यों पर वेकी किरपा अर वेकी शान्ति मिलणी रौ।

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

2 कुरिन्थि 1:9

अर हम अपणा-अपणा मनों मा इन समझण लगि गै छा कि अब हमुन मोरि जाण, अर यू सब त वे बगत इलै ह्‍वे ताकि हम अपणी ताकत पर बड़ु मोन नि कैरा। अर यू सब त पिता परमेस्वर कि मनसा का मुताबिक ह्‍वे, किलैकि उ चान्दु छौ कि हम वे पर भरोसा रखा जु कि मुरदो तैं ज्यून्द करदु।

2 कुरिन्थि 13:14

अर मि तुम सभ्यों खुणि इन प्रार्थना करदु, कि प्रभु यीशु मसीह की महान किरपा अर परमेस्वर को प्यार अर वेकी पवित्र आत्मा को साथ तुम सभ्यों का दगड़ा मा रौ। आमीन।

2 कुरिन्थि 5:14

हे मेरा दगड़्यों, यीशु मसीह को प्यार हमतै मजबूर करदु, ताकि हम सब भलै का काम कैरा। अर हम जणदा ही छां कि एक यीशु मसीह ही च जु कि सब लोगु का खातिर मरे गै, अर मौत की ज्वा सजा हमतै मिलण वळी छै वा वेन खुद सै दिनी। अर अब हमरु यू फरज बणदु कि हम सभ्या का सभि अपणा-अपणा फैदा खुणि जीवन नि ज्या, बल्किन मा हमतै यीशु मसीह का मुताबिक अपणु-अपणु जीवन जीण चयेणु, जैतैं पिता परमेस्वर न मुरदो मा बटि ज्यून्द कैरी।

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

इफिसुस 6:24

अर जु लोग हमरा प्रभु यीशु मसीह से कभि नि खतम होण वळु प्यार करदिन, ऊं सभ्यों पर परमेस्वर की किरपा होणी रौ। आमीन।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

इब्रानी 1:6

अर फिर जब पिता परमेस्वर अपणा इकलौता पुत्र तैं ईं दुनियां मा भेजण वळु छौ, त वेका बारा मा उ इन बुल्दु कि, “मेरा सब स्वर्गदूत वेकी भक्‍ति कैरा।”

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

1 यूहन्ना 2:23

अर जु पुत्र तैं स्वीकार नि करदु, वेका पास पिता परमेस्वर भि नि च। पर जु मनखि पुत्र तैं स्वीकार करदु, वेका पास पिता परमेस्वर भि च।

2 यूहन्ना 1:9

अर जु मनखि यीशु मसीह की शिक्षा मा बणयूं नि रौन्दु, बल्किन मा वेतैं छोड़ि के दूर चलि जान्दु, त वेका पास परमेस्वर नि च। पर जु मनखि वेकी शिक्षा मा बणयूं रौन्दु, वेका पास पिता अर पुत्र दुई छिन।