यूहन्ना 5:20 - Garhwali

²⁰ अर पिता अपणा पुत्र बटि प्यार करदु अर जथगा भि कामों तैं उ खुद करदु, ऊं सभि कामों तैं वु वेतैं दिखान्दु च। अर पिता येसे भि बड़ा-बड़ा कामों तैं कैरिके वेतैं दिखालु, जै से कि तुम हकदक रै जा।

गढवली नयो नियम

²⁰ किलैकि पिता परमेश्वर मि से प्रेम करदु अर जु-जु काम उ अफ करदो ऊं सब वे तैं दिखोंदु अर उ यांसे भि बड़ा काम वे तैं दिखालो इलै की तुम अचम्भो कैरा।

यूहन्ना 5:20 ပူးပေါင်းရင်းမြစ်များ

मत्ती 11:27

तब यीशु न लोगु कू इन भि बोलि, “पिता परमेस्वर न सब कुछ मि मा सौंप्याली, अर पिता का अलावा कुई नि जणदु कि पुत्र कु च, अर ना ही पुत्र का अलावा कुई जणदु की पिता कु च, पर केवल पुत्र ही च जै पर उ चान्दु, वे पर वेतैं परगट करदु।”

मत्ती 17:5

जब उ इन बोन्‍नु ही छौ, कि तबरि एक चमकदार बादळ न ऐके ऊंतैं घेरि दिनी। तब वे बादळ मा बटि एक आवाज ऐ, “यू मेरु लाडलु पुत्र च, अर येसे मि खुश छौं, येकी सुणा।”

मत्ती 3:17

अर सुणा, स्वर्ग बटि इन आवाज ऐ कि, “यू मेरु लाडलु पुत्र च, अर मि येसे भौत खुश छौं।”

मत्ती 4:8

तब शैतान वेतैं एक ऊँचा पाड़ पर लि गै, अर झट वेतैं दुनियां का सब राज्य, अर दुनियां की सब धन-दौलत दिखै के बोलि,

लूका 10:22

अर मेरा पिता न मि मा सब कुछ सौंप्याली, अर पुत्र का अलावा कुई नि जणदु कि पिता कु च, अर ना ही पिता का अलावा कुई जणदु की पुत्र कु च, पर केवल पुत्र ही च जै पर उ चान्दु, वे पर वेतैं परगट करदु।”

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 10:32

पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

यूहन्ना 17:26

अर मिन तुमरा बारा मा ऊंतैं बतै, अर अगनै भि ऊंतैं बतौणु रौलु। किलैकि जु प्यार तुमुन मि बटि कैरी, उई प्यार ऊंमा बणयूं रौ अर मि भि ऊंमा बणयूं रौ।”

यूहन्ना 3:35

अर पिता अपणा पुत्र से प्यार करदु, अर वेन सब कुछ वेका हाथों मा सौंप्याली।

यूहन्ना 5:21

जन कि पिता मुरदो तैं उठौन्दु अर ऊंतैं जीवन देन्दु च, ठिक उन्‍नि पुत्र भि जैतैं चान्दु ऊंतैं जीवन देन्दु।

यूहन्ना 5:25

मि तुम बटि सच्‍चि ही बोन्‍नु छौं, कि अब उ बगत औण वळु च बल्किन मा ऐ गै, अर जु लोग आत्मिक जीवन मा मोरि गैनी, ऊ भि परमेस्वर का पुत्र की आवाज तैं सुणला। अर जु कुई वेकी आवाज तैं सुणला ऊ सदनि को जीवन पाला।

यूहन्ना 5:29

अर जथगा भि लोगु न भलै का काम करिनी, वु सब सदनि को जीवन जीणु खुणि ज्यून्दा होला। अर जथगा भि लोगु न बुरै का काम करिनी, वु सब दण्ड भुगणु खुणि ज्यून्दा होला।

2 पतरस 1:17

अर वे बगत हम उखि छा, जख पिता परमेस्वर न यीशु मसीह तैं सानदार आदर-सम्मान देई, अर वे खुणि स्वर्ग बटि इन आवाज ऐ, “यू मेरु लाडलु पुत्र च, अर येसे मि भौत खुश छौं।”