यूहन्ना 5:16 - Garhwali

¹⁶ अर इलै यहूदी लोग यीशु तैं सतौण लगि गैनी, किलैकि उ यों सब कामों तैं सब्त का दिन पर करदु छौ।

गढवली नयो नियम

¹⁶ यु कारण यहूदी अगुवा यीशु तैं सतौण लगि गैनी किलैकि उ इन-इन काम यहूदियों कु विश्राम कु दिन जु परमेश्वर को पवित्र दिन च करदु छो।

यूहन्ना 5:16 ပူးပေါင်းရင်းမြစ်များ

मत्ती 12:13

तब यीशु न सुख्यां हाथ वळा मनखि कू बोलि, “अपणु हाथ अगनै बढ़ो” अर वेन बढै, तब वेको वु हाथ भि दुसरा हाथ का जन ठिक ह्‍वे गै।

मरकुस 3:6

अर यू देखि के फरीसी दल का लोग तुरन्त उख बटि भैर निकळि गैनी। अर राजा हेरोदेस का कुछ खास लोगु का दगड़ा मा मिली के यीशु का खिलाप मा जाळसाजि करण लगि गैनी, कि वेतैं कनकै खतम किये जौ।

लूका 6:11

पर यू देखि के ऊंकी जिकुड़ी मा आग लगि गै। तब वु अपणा आपस मा बोन्‍न लगि गैनी कि, “अब हम ये यीशु का दगड़ा मा क्या कैरा?”

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 10:39

तब ऊंन यीशु तैं फिर से पकड़णे की कोसिस कैरी, पर उ ऊंका हाथ बटि बचि के निकळि गै।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 5:10

अर उ दिन सब्त को दिन छौ, अर ये दिन यहूदी लोग कुछ काम नि करदिन। इलै ऊंन वेकू जु खूब ह्‍वे गै छौ बोलि, “आज त सब्त को दिन च, इलै त्वेकू यू ठिक नि च, कि तू अपणा बिस्तर तैं उठौ।”

यूहन्ना 5:13

पर जु मनखि खूब ह्‍वे गै छौ उ नि जणदु छौ, कि उ कु च। किलैकि वीं जगा पर बिजांम भीड़ छै, इलै यीशु उख बटि चलि गै छौ।

यूहन्ना 5:15

तब वे मनखि न उख बटि जैके यहूदियों तैं बतै दिनी कि, “जैन मितैं खूब कैरी उ यीशु च।”

यूहन्ना 5:17

पर यीशु न ऊंकू बोलि, “मेरु पिता अभि तक काम करदु, इलै मि भि काम करदु छौं।”

यूहन्ना 5:18

इलै यहूदी वेतैं और भि जादा जान से मरणे की फिराक मा लगि गैनी। किलैकि उ नऽ त केवल सब्त का दिन की विधि तैं तोड़दु छौ, बल्किन परमेस्वर तैं पिता बोलि के अफु तैं वेका बराबर ठैरै देन्दु छौ।

यूहन्ना 7:21

यीशु न ऊंतैं जबाब देई, “मिन सब्त का दिन मा एक चमत्कारिक काम कैरी, अर वेतैं देखि के तुम सब हकदक रै ग्यां।

यूहन्ना 7:25

तब कुछ लोग जु यरूशलेम नगर का छा, ऊ बोन्‍न लगि गैनी, कि “क्या यू उई मनखि नि च, जैतैं ऊ मरणे की फिराक मा छिन?