यूहन्ना 5:15 - Garhwali

¹⁵ तब वे मनखि न उख बटि जैके यहूदियों तैं बतै दिनी कि, “जैन मितैं खूब कैरी उ यीशु च।”

गढवली नयो नियम

¹⁵ वे मनिख न जै के यहूदियों का अगुवों मा बोलि दींनि कि जैल मि तैं ठिक कैरी उ यीशु च।

यूहन्ना 5:15 ပူးပေါင်းရင်းမြစ်များ

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 4:29

“आ, अर एक मनखि तैं देखा, कखि यूई त मसीह नि च? किलैकि जु कुछ भि मिन कैरी छौ, वेन उ सब कुछ मेरा बारा मा बतै दिनी।”

यूहन्ना 5:10

अर उ दिन सब्त को दिन छौ, अर ये दिन यहूदी लोग कुछ काम नि करदिन। इलै ऊंन वेकू जु खूब ह्‍वे गै छौ बोलि, “आज त सब्त को दिन च, इलै त्वेकू यू ठिक नि च, कि तू अपणा बिस्तर तैं उठौ।”

यूहन्ना 5:12

ऊं लोगु न वेकू बोलि, “उ मनखि कु च जैन त्वेकू इन बोलि कि ‘अपणा बिस्तर तैं उठौ अर चलण-फिरण लगि जा?’”

यूहन्ना 5:16

अर इलै यहूदी लोग यीशु तैं सतौण लगि गैनी, किलैकि उ यों सब कामों तैं सब्त का दिन पर करदु छौ।

यूहन्ना 5:18

इलै यहूदी वेतैं और भि जादा जान से मरणे की फिराक मा लगि गैनी। किलैकि उ नऽ त केवल सब्त का दिन की विधि तैं तोड़दु छौ, बल्किन परमेस्वर तैं पिता बोलि के अफु तैं वेका बराबर ठैरै देन्दु छौ।

यूहन्ना 9:15

फिर फरीसी दल का लोगु न भि वेतैं पूछी, “तू कनकै दिखण लगि गै?” तब वेन ऊंतैं जबाब देई, “वेन माटा तैं भिजे अर मेरा आंख्यों पर लगै, फिर मिन ध्वेइ अर दिखण लगि ग्यों।”

यूहन्ना 9:25

तब वेन जबाब देई, “मि नि जणदु, कि उ मनखि पापि च या नि च। पर मि त केवल इथगा जणदु, कि मि अन्धु छौ अर अब दिखण लगि ग्यों।”

यूहन्ना 9:30

तब वे मनखि न जबाब देई, “या त बड़ी ताजुब की बात च, कि तुम नि जणद्‍यां कि उ कखो च, पर फिर भि वेन मेरा आंख्यों तैं खूब कैरी दिनी।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।