यूहन्ना 4:6 - Garhwali

⁶ अर याकूब को कुआँ भि उखि छौ। वे बगत दिन-दुफरि की करीब बारह बजणी छै। इलै यीशु सफर मा हिटण की वजै से थक्यूं छौ, अर उ वे कुआँ का समणि बैठि गै।

गढवली नयो नियम

⁶ याकूब ल जु कुआँ खोदि छो, उ अब भि ऊखी च, यात्रा बट्टी थाक्युं मसीह यीशु कुआँ का संमणी बैठी गै. यु लगभग छटवां घण्टा कु बगत छो।

यूहन्ना 4:6 ပူးပေါင်းရင်းမြစ်များ

मत्ती 27:45

अर दुफरे की बारह बजी बटि लेके तीन बजी तक पूरा देस मा अन्धेरु होयुं रै।

मत्ती 4:2

अर वेन चालीस दिनों तक उपवास रख्युं छौ अर वेन कुछ भि नि खै, तब वेतैं भूक लगि।

मत्ती 8:24

अर वे ही बगत झील मा एक इथगा बड़ु तूफान ऐ, कि नाव झील की लैर की वजै से डुबण लगि गै, पर यीशु सिणु छौ।

लूका 2:7

तब वींन अपणा पैला नौना तैं जनम देई, अर वेतैं कपड़ा मा लपेटि के छन्‍नि की चौंर मा रखी। किलैकि ऊं खुणि धर्मशाळा मा जगा नि छै।

लूका 9:58

तब यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च, जख उ रुकी के आराम कैरो।”

यूहन्ना 11:9

अर यीशु न बोलि, “क्या दिन मा बारह घन्टा नि होनदिन? अर अगर कुई दिन मा चलदु त वेतैं उतेडु़ नि लगदु, किलैकि उ दुनियां का उज्याळा मा दिखदु च।

यूहन्ना 4:12

क्या तुम हमरा पितर याकूब से भि बड़ा छाँ? किलैकि ऊंन हमतै यू कुआँ दियूं च, अर ऊंन खुद भि अर ऊंका नौनो न अर ऊंका गोर-बछरों न भि यां मा बटि पाणि पेई।”

यूहन्ना 4:5

अर उ सामरिया मुलक का सुखार नौ का एक नगर मा ऐ। अर उ नगर वीं जमीन का नजदीक छौ, ज्वा याकूब न अपणा नौना यूसुफ तैं दे छै।

यूहन्ना 4:7

तबरि इथगा मा सामरी जाति की एक जनानि पाणि भोनु कू ऐ। अर यीशु न वींकू बोलि, “जरा मितैं पाणि पिलै द्‍या।”

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।