यूहन्ना 4:42 - Garhwali

⁴² तब ऊ लोग वीं जनानि बटि बुलण लगि गैनी, “अब हम तेरा बुलयां पर ही बिस्वास नि करद्‍यां, किलैकि हमुन अफि सुण्यालि, अर यू भि जाण्यालि कि सच्‍चि मा यूई मनखि दुनियां तैं छुटकारा देण वळु च।”

गढवली नयो नियम

⁴² अर वीं जनन म बोलि, अब हम तेरु ही बुल्यां से विश्वास नि करदां किलैकि हम ल अफी सूणेलि अर जंणदा छा कि यु ही सचमुच म दुनिया कु उद्धारकर्ता च।

यूहन्ना 4:42 ပူးပေါင်းရင်းမြစ်များ

मत्ती 1:21

‘वा एक नौना तैं जनम द्‍याली। अर तू वेको नौ यीशु रखी किलैकि उ अपणा लोगु तैं ऊंका पापों बटि छुटकारा द्‍यालु।’”

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

यूहन्ना 11:17

अर जब यीशु उख पौंछी, त वेतैं पता चलि, कि लाजर तैं कबरुन्द रख्यां चार दिन ह्‍वे गैनी।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 4:29

“आ, अर एक मनखि तैं देखा, कखि यूई त मसीह नि च? किलैकि जु कुछ भि मिन कैरी छौ, वेन उ सब कुछ मेरा बारा मा बतै दिनी।”

यूहन्ना 4:41

अर वेका वचनों तैं सुणी के भौत सरा लोगु न बिस्वास कैरी।

खास चेलों 13:23

अर जु करार परमेस्वर न कैरी छौ वेन वेतैं पूरु करणु खुणि राजा दाऊद का वश मा बटि इस्राएली लोगु खुणि छुटकारा देण वळा यीशु तैं भेजि।

खास चेलों 4:12

“अर यीशु का अलावा कुई दुसरो बचै नि सकदु, किलैकि आसमान का मूड़ी अर लोगु का बीच मा कुई भि दुसरो नौ नि दिये गै, जैका द्‍वारा हमतै बचयै जौ।”

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

1 तीमुथियुस 4:10

इलै हम कठिन मेनत करद्‍यां, किलैकि हम ज्यून्दा परमेस्वर पर अपणी आस रखद्‍यां, जु की सब लोगु तैं बचौण वळु च, खास कैरिके ऊं लोगु तैं जु की वे पर बिस्वास करदिन।

1 यूहन्ना 2:2

अर याद रखा की यीशु मसीह न अपणी इच्छा से हम खुणि अपणु बलिदान देई, ताकि वेका द्‍वारा पिता परमेस्वर हमरा पापों तैं माफ कैर द्‍यो, अर बस हमरा ही पापों तैं ना, बल्किन मा सरी दुनियां का लोगु का पापों तैं भि माफ कैरो।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।